مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - دواسه الفرامل (https://www.masrmotors.com/vb/showthread.php?t=51037)

دواسه الفرامل

بسم الله الرحمن الرحيم

انا عندى فى العربيه دواسه الفرامل واطيه اوووى..بس الفرامل استجابتها كويسه..يعنى لازم اضغط جامد على الفرامل علشان تفرمل؟..ايه الحل بعد اذن حضراتكواGIFT4U
وعندى سؤال كمان..انا فيه صوت عندى فى الفرامل لما بكون ماشى على سرعه هاديه فى بعض الاحيان بسمعه ذى الصوت التيل لما بيكون خلصان..مع العلم ان التيل والطنابير جداد..وكان فيه احد الاعضاء المحترمين قال ان ممكن يكون جهاز الفرامل لما بيمسك مابيرجعش تانى وغالبا دى المشكله..طب لو الجهاز فعلا ما بيرجعش مكانه تانى!!!
ايه هو الحل

رد: دواسه الفرامل

اقتباس:

المشاركة الأصلية كتبت بواسطة xabi (المشاركة 385595)

بسم الله الرحمن الرحيم

انا عندى فى العربيه دواسه الفرامل واطيه اوووى..بس الفرامل استجابتها كويسه..يعنى لازم اضغط جامد على الفرامل علشان تفرمل؟..ايه الحل بعد اذن حضراتكواGIFT4U
وعندى سؤال كمان..انا فيه صوت عندى فى الفرامل لما بكون ماشى على سرعه هاديه فى بعض الاحيان بسمعه ذى الصوت التيل لما بيكون خلصان..مع العلم ان التيل والطنابير جداد..وكان فيه احد الاعضاء المحترمين قال ان ممكن يكون جهاز الفرامل لما بيمسك مابيرجعش تانى وغالبا دى المشكله..طب لو الجهاز فعلا ما بيرجعش مكانه تانى!!!
ايه هو الحل

مش مظبوط انة الجهاز لأن لو الجهاز بيمسك وما يرجعش تانى كانت العربية تشد فى اتجاهة سواء شما او يمين ، العيب دة لا يخرج عن ماستر الفرامل او السيرفو نفسة أ -هتبتدى بالأسهل هتخلى حد يدوس فرامل كذا مرة وانت فتح الكبوت والعربية دايرة وتحط ودنك قريب من السيرفو لو سمعت صوت تنفيس يبقى السيرفو اتخرم علشان كدة الدوسة بتفوت لأن كبس هوا السيرفو بيضيع ، لو مكنش تراجع خرطوم السيرفو نفسة مع دوسة الفرامل ممكن لو قديم يكون مخروم غيرة ، وعموما اقوى اختبار للسيرفو وانت واقف تدوس فرامل والعربية دايرة اذا لقيت السلانسية اتلخبط وبدأت العربية توطى وتعلى يبقى السيرفو او خرطومة بنسبة 100% اذا كل دة مش موجود يبقى تروح لميكانيكى بيفهم يحل ماستر الفرامل هتلاقى الجلد الداخلى منفوش وبايظ اذا لقيتة كدة الميكانيكى هيقولك هات طقم جلد ، متسمعش كلامة علشان هيبوظ تانى تروح زى الباشا تاخد الماستر بتاعك وتجيب واحد جديد ايطالى زية بالظبط وكدة المشكلة انتهت .......واى خدمة اخوك اتلطم فى الفرامل احسن تلطيم لغاية ما بقيت باعمل كل حاجة بنفسى

رد: دواسه الفرامل

اقتباس:

المشاركة الأصلية كتبت بواسطة ايمن عبدالحميد (المشاركة 385666)

شكرا لحضرتك ياأستاذ ايمن..بس يعنى ايه السيرفو ده..وبعدين انا لما سألت على موضوع الدواسه واطيه دى قالولى ان الفرامل واخده هوا ..ودى مشكلتها تتحل بسهوله..وعلى فكره الفرامل عندى كويسه مش وحشه ولا حاجه..كل المشكله بس ان الدواسه واطيه..اما الجزء التانى ده هيجننى لان الصوت مبيظهرش الا كل فتره يعنى صعب الميكانيكى يعرف هو ايه حتى لو ركب معايا

رد: دواسه الفرامل

اقتباس:

المشاركة الأصلية كتبت بواسطة xabi (المشاركة 385677)

يا باشا الفرامل لو واخدة هوا بتعلى وتوطى ماتبقاش مستوى واحد ،اما موضوع الصوت دا طبيعى لغاية الطنابير ما تطبع مع التيل اذا كان بقالك فترة مغير الطنابير والتيل يبقى تغير التيل ومتجبش تيل ايطالى اأنة كلة مضروب هات مصرى ماركة تراكس لأنة طرى وحنين على الطنابير اما الايطالى ناشف وبيعمل صفارة بالذات فى الحر، اما السرفو فدة هتلاقية لما تفتح الكبوت ناحية الدركسيون عبارة عن حاجة شبة الكرنبة كدة راكب فيها ماستر راكب فية مواسير زيت الفرامل وخراطيم الباكم، اما موضوع الهوا دة سهلة لما تغير التيل خلى الميكانيكة ياخدلك هواها

رد: دواسه الفرامل

اقتباس:

المشاركة الأصلية كتبت بواسطة ايمن عبدالحميد (المشاركة 385688)

يا باشا الفرامل لو واخدة هوا بتعلى وتوطى ماتبقاش مستوى واحد ..
(هيا غالبا كده)
،اما موضوع الصوت دا طبيعى لغاية الطنابير ما تطبع مع التيل اذا كان بقالك فترة مغير الطنابير
(انا بقالى اكتر من 40 يوم مغيرهم)
والتيل يبقى تغير التيل
(التيل كويس لسه متاكلش)ومتجبش تيل ايطالى اأنة كلة مضروب هات مصرى
(اللى عندى تركى) ماركة تراكس لأنة طرى وحنين على الطنابير اما الايطالى ناشف وبيعمل صفارة بالذات فى الحر
(الصوت اللى انا اقصده كأن التيل خلصان والحديد بتاعه بيخبط فى الطنبوره مع العلم ان التيل كويس ومليان مخلصش لسه وعلى فكره الصوت بيظهر فى العجله الشمال بس..اليمين مش بسمع منها حاجه)
اما السرفو فدة هتلاقية لما تفتح الكبوت ناحية الدركسيون عبارة عن حاجة شبة الكرنبة كدة راكب فيها ماستر راكب فية مواسير زيت الفرامل وخراطيم الباكم، اما موضوع الهوا دة سهلة لما تغير التيل خلى الميكانيكة ياخدلك هواها

الرد فى الاقتباس..