مصر موتورز مجتمع السيارات - مطلوب افاده بخصوص التقديم لاستخراج رخصه قياده

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - مطلوب افاده بخصوص التقديم لاستخراج رخصه قياده (https://www.masrmotors.com/vb/showthread.php?t=50020)

مطلوب افاده بخصوص التقديم لاستخراج رخصه قياده

سلام عليكم

انا باذن الله هروح المرور عشان احدد ماعد اختبار السواقه رخصه خاصه ... ومش عارف ايه الطلبات يعنى هل هما بياخدوا فلوس واوراق زى مدرسه سواقه يعنى مثلا فى مدرسه سواقه بيخدوا 300 جنيه ده غير اوراق الطبى وصور شخصيه وكدا ...
اتمنى حد يفيدنى وكمان هو صحيح الاختبار بيأتاخر جامد؟؟

تم تغيير العنوان ليتناسب مع محتوي الموضوع

مراقب عام المنتدي
م/حازم خضر

رد: فى المرور بياخدو فلوس

بص يا باشا اذا كان مشوراك للمرور لاستخراج الرخصة هتاخد معاك شهادتين طبي احدهم باطنة و الاخري نظر و بطاقة الرقم القومي و تقريبا 2 صورة شخصية 4*6 و هتشتري من المرور نموذج 56 مرور و ده تمنهه تقريبا 6 جنيه و تقدم الورق على الشباك سيتم اختبارك اختبار الاشارات او النظري و اذا نجحت هيختبرك عملي سواقة اما فى نفس اليوم و دا الاغلب او فى يوم ثاني بعد نجاحك فى امتحان السواقة العملي هتدفع على الشباك رسوم الرخصة تقريبا 56 جنيه و تتصور كمبيوتر و مبروك عليك الرخصة يا باشا و الله اعلي و اعلم ده فى حدود معلوماتي و على ما اتذكر عشان انا عامل الرخصة دلوقتي داخل فى 20 سنة GIFT4U

رد: فى المرور بياخدو فلوس

اقتباس:

ص يا باشا اذا كان مشوراك للمرور لاستخراج الرخصة هتاخد معاك شهادتين طبي احدهم باطنة و الاخري نظر و بطاقة الرقم القومي و تقريبا 2 صورة شخصية 4*6 و هتشتري من المرور نموذج 56 مرور و ده تمنهه تقريبا 6 جنيه و تقدم الورق على الشباك سيتم اختبارك اختبار الاشارات او النظري و اذا نجحت هيختبرك عملي سواقة اما فى نفس اليوم و دا الاغلب او فى يوم ثاني بعد نجاحك فى امتحان السواقة العملي هتدفع على الشباك رسوم الرخصة تقريبا 56 جنيه و تتصور كمبيوتر و مبروك عليك الرخصة يا باشا و الله اعلي و اعلم ده فى حدود معلوماتي و على ما اتذكر عشان انا عامل الرخصة دلوقتي داخل فى 20 سنة

اولا شكرا لك على الرد
لكن انا سمعت انك بتستنى شهر او اكتر عشان تدخل امتحان هل ده صحيح ؟؟؟

رد: فى المرور بياخدو فلوس

اقتباس:

المشاركة الأصلية كتبت بواسطة 1z1z (المشاركة 377640)

اولا شكرا لك على الرد
لكن انا سمعت انك بتستنى شهر او اكتر عشان تدخل امتحان هل ده صحيح ؟؟؟

لا ولا شهر ولا حاجة كولة فى يوم واحد وهاتتحاج صورة من المؤهل الدراسي او كارنية النقابة وصورة رخصة السيارة اللى هاتمتحن عليها

رد: فى المرور بياخدو فلوس

كل ما كتب صحيح 100 % وربنا يوفقك
و 1000 مبروك مقدما