لانوس ... جولييت ؟
 

في عربية دايو لانوس هاتش باك ( جولييت ) عجباني وبفكر اشتريها وكنت عايز مساعدتكم

أولا ... هل في فرق بين اللانوس والجولييت ولا هما الاتنين واحد ؟

ثانيا ... ممكن تتمنولي العربية دي
جولييت موديل 99 دواخل فبريكة لكن راشة خوارج نضافة لونها أحمر موتور بحالة جيدة وواضح انه صاحبة محافظ عليها أوي .... ماشية 250 الف كيلو ... مركبلها شوية اكسيسوريز جنوط وكاسيت بايونير وجهاز انذار

ثالثا ... بأمانة وبدون تحيز هي أحسن ولا أوبل كورسا 99 - 1200 سي سي لان أنا معروض عليا الأوبل بردو ومحتار علما بان حالتهم زي بعض تقريبا

ولكم جزيل الشكر
د. كريم

رد: لانوس ... جولييت ؟
 

كتير الرقم ده

وهيدخلك فى صيانات كتير قريبا

فبلاش منها

أو

أعمل حسابات حاجتها لقطع غيار أثناء التفاوض على سعرها

والجولييت والانوس كمكونات ( نفس الديزاين )

الفرق فقط فى الشكل الخارجى

جولييت .........هاتش باك

لانوس .........سيدان

رد: لانوس ... جولييت ؟
 

طيب معلش سؤال رخم شوية ... أعمل حسابي في صيانات بكام تقريبا علشان العربية ترجع جديدة ؟

رد: لانوس ... جولييت ؟
 

هى معروضه عليك بكام ..........؟

رد: لانوس ... جولييت ؟
 

هي معروضه ب 37 الف ... وهقولك مواصفاتها علشان تقولي كده غاليه ولا معقوله
هي فبريكة جوا بس مرشوشة من برا كلها ( بيقول نضافه ) بس انا اكيد هوديها لسمكري يشوفها
فتحت الكبوت لقيت المكنه شكلها جديدة أوي الصراحه وشكله كان غاسلها غسله حلوة لدرجه اني مكنتش مصدق انها عامله 220 الف كيلو وبصيت على العضم بتاعها اللي في الكبوت ملقيتش لا رش ولا معجون ولا اي ردود خالص
صالونها نضيف أوي بردو ( هي بتاعت صاحب مشحمة :thnkr: ) وكل حاجه شغاله تمام
مركبلها جنوط وبطارية جافة جديدة
العربية فيها فوجات واتنين ازاز كهرباء ... بس الكاوتش عايز يتغير