|
استفسارات بخصوص شراء سيارة جديدة
السلام عليكم ورحمة الله وبركاته عندي بعد إذنكم استفسارات بخصوص شراء سيارة جديدة وأتمنى تجاوبوني عليها. أنا معايا في حدود 90 ألف وعاوز أشتري سيارة جديدة تكون فيها المواصفات اللي حأذكرها ليكم إن شاء الله , وللمعلومية دي أول مرة أشتري سيارة في حياتي. 1- يكون ناقل الحركة أوتوماتيك ونوافذ كهربائية و center lock . 2- يفضل تكون شبابية (هاتش باك أو سيدان) صغيرة الحجم لاستخدامي مفرداً معظم الوقت (حوالي 95% من استخدام السيارة حيكون بمفردي) وحتى أسرتي مكونة من 3 أفراد فقط غيري (يعني المجموع 4 أفراد). 3- موفرة في استهلاك البنزين ورخيصة قطع الغيار. 4- مشاويري معظمها داخل المدن وممكن أروح مطروح مرة أو مرتين فقط سنوياً وممكن إسكندرية شهرياً وطبعاً بأرجع بيها البلد أسبوعياً (طبعاً السكن في القاهرة). 5- لا أنوي بيعها إلا بعد 5-6 سنوات قابلة للزيادة. 6- لمعلوماتكم , أنا سوقت قبل كده قليل وكان أوتوماتيك فقط. 7- لا أفضل السيارات الصيني. 8- يستحسن أن يكون التجميع تجميع بلدها. 9- لازم يكون فيها تكييف ومحترم كمان. أنا اتعرض عليا الأنواع دي, حأقول لكم عليها ولو حد عنده أي إضافات أو تعليقات على السيارات المعروضة علي وعلى اللي بأفضله ياريت يفيدني بيها وأكون لكم شاكراً. -هيونداي جيتز -بروتون جين-2 -بروتون ساجا -نيسان صني -هيونداي أكسنت -بروتون واجا أنا حالياً البرتون جين-2 رقم واحد في دماغي والصني رقم اثنين. منتظر اقتراحاتكم ونصائحكم وشكراً مقدماً. |
رد: استفسارات بخصوص شراء سيارة جديدة
المواصفات اللي انتا بتتكلم فيها ديه مش هتلقيها غير في البروتون جين 2 فقط والجيتز والاكسينت علشان تقفيل بلدهم وقطع غيارهم مش غالية ومتوفرة
لكن لو عايز عربية حمارة شغل طبعا النيسان وبدون تفكير |
رد: استفسارات بخصوص شراء سيارة جديدة
اقتباس:
|
رد: استفسارات بخصوص شراء سيارة جديدة
ههههههههههههههه . باشا :
يعنى حضرتك مش عاجبك الصينى وبتتكلم عن الماليزى ؟؟؟؟؟؟؟؟؟؟ عموما أنا رأيى النيسان ( لو على اللى ذكرتهم دول ) تبقى أفضلهم فعلا ...:fun_36_3_3[1]: |
رد: استفسارات بخصوص شراء سيارة جديدة
من المذكورين ارشح النيسان صنى
ولو ال فيها abs سعرها 93 تقريبا يبقى ممتاز جدا علشان سفر حضرتك الكتير و كمان النيسان هتخدمك اوى اوى اوى ف نقطتين التكيف التلاجه و التعمير 5 - 6 سنين تحياتى لك |
| الساعة الآن 08:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017