ال M11 عجبانى وخايف منها!!!!!
 

السلام عليكم ورحمة الله وبركاتة
ياجماعه انا متابع العربيه ديه من فترة ومعاها ال FSV GLS وطبعا او عن طريق الكلام اللى قريته هنا لأيت ان فى ناس بتشكر فيها جدا وفى ناس بتتحسبن فى الوكيل وفى العربية!!!!
بصراحة شديدة انا كنت خلاص قررت اجيب ال FSV GLS بس كل ما اكلم الموزعين يعرفنى ان مافيش امل انها تنزل مصر ولا حتى كمان شهر او شهرين.
فمفيش أدامى دلوقتى غير ال M11 وبالرغم من انها عجبنى جدا وشكلها جامد بس انا خايف جدا منها ومن مشاكلها.......
أرجو من الأعضاء نصيحة لله. اجيبها والا بلاش؟؟؟
وجزاكم الله عنا كل خير..

رد: ال M11 عجبانى وخايف منها!!!!!
 

أهم حاجة اتوكل على الله
اعتقد ان الام 11 كويس وبدأت تنتشر وسعرها جامد وشكلها اجمد
والاف اس فى بردو
مش عاوز اوسعلك دايرة الاختيار واقول البى واى دى او الجاك
لان الاولى شكلها مش مثالى
والثانية سعرها اغلى ب 11 الف عن الام 11 خصوصا انها من برة مش تجميع محلى
فلو بتفكر فى حاجة فحدود 70 الف وتوكيل منتشر وعربية منتشرة والناس بدات تشتغل فيها وشكل جميل وثبات على رأى ملاكها والناس بدات تشكر فيها كويس
مع شوية مشاكل فردية من شخص للتانى ودة وارد جدا فالتجميع المصرى وحى فالتجميع الاوربى ووارد فكل العربيات بنسب متفاوتة
فاكيد اختيار من اتنين
فيات بونتو كلاسيك ++++++ اسبيرانزا ام 11

رد: ال M11 عجبانى وخايف منها!!!!!
 

استخير ربنا واعقلها وتوكل..

بالتوفيق مقدما

رد: ال M11 عجبانى وخايف منها!!!!!
 

الف شكر ياجماعة على الإهتمام وجزاكم الله عنا كل خير.

رد: ال M11 عجبانى وخايف منها!!!!!
 

m11 عربية ممتازه جدا انا معاي بقالها 4 شهور وزي الفل غير اني عفشتها ناشفه شويه يعني لما تاخد المطب تحس كده بدبه لكن حمالة اسية على الاقل في مستواها احسن من اللانوس ومن الفيرنا وكمان الافيو( الورق ) والله يا جماعه العربية دي شوية دعاية وهتبص تلاقيها ولا اللانوس في انتشارها ..... والتوفيق لكل الزملاء