أكثر الاجهزة إرهاقا
 

يا جماعة سؤال خطر على بالى الأن.

ما هو أكثر الأجهزة تحميل على البطارية. بمعنى هل التكيف ولا الراديو أم سماعات العربية أم الأنوار هى الأكثر إستهلاكا للبطارية وتؤدى لفصر عمرها..

انا مثلا بأحب أشغل الكاست او الراديو لما بأقود العربية.... التكيف مش بشغله تقريبا خالص. الانوار مش بولعها لانى مش بخرج بالليل إلا نادرا..........

رد: أكثر الاجهزة إرهاقا
 

اعتقد الترتيب كأتى
تكيف
و طالما انك بتشغل الرادير و الانوار و انت ماشى بالعربية معنى كده انى البطرييقة مبتتأثرش لانى فى الحالة الطبيعية العربية بتشحن البطارية عن طريق الدنمو
و لكن لو متعود تشغل الكاست و العربية مش دايرة ده بأثر على البطارية و لكن مش بالشكل الللى يؤءدى الى اتلافها

رد: أكثر الاجهزة إرهاقا
 

شكرا على الرد. أنا نادر ما أنور الأنوار لانى مش بأمشى بالليل أصلا.

رد: أكثر الاجهزة إرهاقا
 

يا باشا حضرتك كدة محافظ على العربية كويس جدا ومحافظ على البطارية وان شاء الله تعيش معاك وربنا معاك وبالنسبة للاستهلاك الانوار العالية والتكييف اما الراديو فى اعتقادى لا يؤسر ابدا على عمر البطارية نهائى وفعلا كما قال الاستاذ شريف عند عمل اى شى والعربية مبطلة يحدث كتالى بما ان الينمو مش شغال فانت تسحب من البطارية ولا تشحن والبطارية والدينمو متاصلين عند اجز الطاقة من البطارية يقوم الدينمو باعطاءة الطاقة المفقودة كما يحدث مع الشاحن فى التوصيل المستمر DC يعنى البطارية تفقد وتكتسب من الدينمو وهكذا عند اتلاف الالواح المعدنية الداخلية للبطارية وانتهاء عمر البطارية تفقد ولا تكتسب وربنا معاك

رد: أكثر الاجهزة إرهاقا
 

اخى الكريم الموضوع ببساطة هو شدة التيار اللى بيسحبها الجهاز واكتر حاجة بتسحب تيار عالى هى المواتير عموما يعنى المارش دة اكتر حاجة فى العربية بتسحب تيار من البطارية يليها مثلا الانوار لو جايب لمبات عالية يليها موتور مروحة التكييف مش التكييف نفسة لان كباس التكييف على سير متصل بعامود الكرنك مش كهرباء يليها محرك المسحات ثم محرك فتحة السقف ثم مواتير زجاج الكهرباء ثم مروحة التبريد اللى على الردياتير ثم لمبات النور الخلفى واعتقد كدة ما فيش حاجة تانى والقصة باختصار عشان تطول عمر البطارية لازم البطارية تفضى وتتشحن لو فضلت تشحن على طول بتبوظ ولو ما شحنتش بتبوظ ودة اللى بيعملة كتاوت الشحن