|
مساعده فى تعديل الصوت وتنظيمه
عندى شيفرولت لانوس 2011 يوجد بها cd كينود اصلى انا مركب عليه gm كينود اصلى 2 قناه 350 واط وسماعتين بايونير تايلندى 400 واط وكمان زيرو باور لتنظيم الصوت رغم ده كله انا بسمع الصوت داخل السياره ممتاز والدبه شديده كمان ولكن خارج السياره الصوت بحس ان واطى جدا السياره بها سماعاتها الاصليه بس اعتقد انها ضعيفه ومش ينفع تركب على الجى ام وعلشان كده انا مخلى سماعات السياره الاصليه شغاله مع سى دى فقط والسماعتين البايونير شغالين على الجى ام وفتحت فتحتين فى الصاج الخلفى علشان السماعتين وثبتهم على خشبه كونتر وثبت الخشبه فى الصاج وللاسف الصوت خارج السياره ضعيف وعن تعليه الصوت بحس ان رق السماعات البايونيرهيتخلع من مكانه وبطر اوطى الطبله شويه
ايه رايكم اركب صب فى الشنطه الخلفيه ولو ركبت صب يكون نوعه ايه وكام واط وصندوقه يكون ايه وتوصيله ازاى اركبه على قناه واركب السماعتين على القناه الاخرى ولا ايه رايكم وفى مشكله ضغيره عندما اوطى الصوت بسمع صوت المحرك فى السماعات لما بكون مشغل الجى ام ارجو الافاده يا حبايبى ولكم الف شكر |
رد: مساعده فى تعديل الصوت وتنظيمه
ممكن تجيب صب او بازوكا
و الزيرو باور هايفيدك فى الموضوع ده عشان هايبقى فيه تحكم صب ليه لوحده و طبعا هاتحتاج جى ام تانى للصب او البازوكا |
رد: مساعده فى تعديل الصوت وتنظيمه
شكرا يا حبيبى بالنسبه للصب لو ركبته على الجى ام هيشتغل عادى ولو ركبته فى الشنطه انت عارف ان الشنطه مقفوله هل الصوت هيخرج بره ولا مش ليه فايده
|
رد: مساعده فى تعديل الصوت وتنظيمه
اقتباس:
ركب بازوكا ياباشا أفضل من الصب لو عايز الصوت يرمى لبره. والجى أم ال 350 وات يشغل البازوكا, لكن مش هيطلع منها كل قدرتها, دى محتاجة جى أم قناتين قوته فى حدود 500 الى 600 وات علشان يشغلها صح, سواء صب أو بازوكا. وطبعا ياباشا الصوت هيخرج بره الشنطة, وهتلاحظ كده بعد ماتركب الصب أو البازوكا وتلاقى مراية الصالون بتتهز من الدب:). وزى ماموش باشا قال, الزيرو باور هيساعدك فى وجود صب وجى أم تانى. |
رد: مساعده فى تعديل الصوت وتنظيمه
الف شكر يا حبيبى ولى استفسار 1 الصب اعلى ولا البازوكا فى الصوت
2 هل الصب اكبر ولا البازوكا من حيث الحجم علشان شنطه العربيه يبقى فيها مكان 3 الصب اغلى ولا البازوكا وكم الفارق بينهما ارجو الرد يا حبيبى |
| الساعة الآن 03:18 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017