![]() |
مشكله فى فيتيس اوبل استرا .... برجاء المساعده
احد أصدقائى لديه سياره اوبل استرا بالمواصفات التاليه
استرا H موديل 2007 سعة المحرك 1600 سى سى ناقل الحركة : ايزى ترونيك ... Easytronic المشكله : عند 50000 كم كان هناك صعوبة فى النقل و تم تغيير ديسك و اسطوانه و كانوا محروقين بالفعل . عند 80000 كم بدأ يحدث تأخير فى النقل بين الأول و الثانى و باقى الغيارات طبيعى عند 81000 كم بدأ يسمع هبده أو خبطه فى الغيارات من الثانى للأول مع التأخير فى النقل بين الأول و الثانى . فى التوكيل قال له المهندس بعد وضع السياره على السكانر انه يحتاج لتغيير " فوركيته " و هى كما فهمت الموتور المسئول عن التغيير بين النقلات . الموتور سعره 800 جنيه و تركبيه سعره 800 جنيه لكن المهندس أخبره بأنه فى حالة فتح الفتيس فربما يضطر لأجراء عمرة فتيس كامله و ستتكلف حوالى 15000 جنيه و نصحه بشراء فيتيس مستعمل . المطلوب : - النصيحه بخصوص هذا الموضوع - بيانات مركز صيانه أو ورشة كبيره ماهره و فنيه تقوم بعمل اصلاح للفيتيس مع العلم بأن صديقى لا يحبذ شراء الفيتيس المستعمل و يركز خياراته بين الأصلاح فى مركز خارجى أو العمره فى التوكيل . و لكم خالص الشكر مقدما . |
رد: مشكله فى فيتيس اوبل استرا .... برجاء المساعده
باشمهندس ماجد مساء الخير
من خلال خبرتي الضئيله في الفتيس الايزوترونيك انصحه بشراء فتيس مستعمل علي تجربه يشوف تاجر محترم و يجيب منه فتيس يكون محلول من موتور قدامه و يركبه اوفر و ارخص لان فك الفتيس و اصلاحه في المانيوال غير مجدي فما بالك بالفتيس الايزوترونيك المعقد عن المانيوال بمراحل؟؟!!! |
رد: مشكله فى فيتيس اوبل استرا .... برجاء المساعده
اشكرك عزيزى حازم على الرد
المشكله هو أن صديقى يستغرب و يستحرم على سياره جديده نوعا ما - موديل 2007 - أن يقوم بتغيير فيتيس بها خاصة ان فيتيتس الأيزى ترونيك يعتبر نوعا ما نادر . |
رد: مشكله فى فيتيس اوبل استرا .... برجاء المساعده
العفو يا باشمهندس
العربيه 2007 و الفتيس اللي حيجيبه حيبقي 2007 او 2008 او 2009 هو اللي حصل عنده عيب تصنيع و كان لازم يتغير في الضمان لكن قدر الله و ما شاء فعل و الفتيس الاستعمال حيجيبه بحاله الزيرو و حيعرف دا من عداد العربيه اللي طالع منها الفتيس و افضل ميت مره لما يفك الفتيس و يعمل له صيانه او عمره لا تنس ان قطع الغيار التي سوف يقوم بشرائها لم و لن تكون بجوده قطع الغيار الموجوده بالفتيس حتي و لو كانت اصليه(ان وجدت) . غير ذلك من سوف يقوم بتجميع الفتيس بعد اصلاحه ايضا ليس بمستوي الصانع مهما وصلت به الدقه و حضرتك اكثر علما مني بأن المقاييس و المعايير تحسب بالملليمتر . لذلك اري تغيير الفتيس باخر استيراد بحاله ممتازه افضل من التصليح |
رد: مشكله فى فيتيس اوبل استرا .... برجاء المساعده
اقتباس:
وكان الله فى عونه هل يوجد لديكم كتالوج أو لينك فنى عن هذا النوع من الفتايس .....؟ |
الساعة الآن 12:49 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017