انا هشتري ماروتي النهاردة عايز مساعدة من اهل الخبرة ضروري جداااااا
 

بالله عليكم رد عليا انا رحت سمير ريان وسالت على الماروتي وجدتها 37250
وهقسطها على 3 سنوات
وفي ناس من اهلي واصدقائي بيهجموني علشان ما اشتريها
واعرفكم انا ميش محتاج عربية غير توصلني من الشغل لبيتي واركبها انا ومراتي وبنتي بدل بهدلة المواصلات

ولو هسافر بيها هيكون اخر اسكندرية وميش هجري اكثر من 100 او 110 كسرعة

المفروض النهاردة اروح استلمها ممكن تردوا عليا بسرعة

رقمي 0146539191 مصطفى
ابعت لي رسالة بخصوص الماروتي وانا هتصل بيك على طول

ان شاء الله لو اشترتها هخبركم ايه الاخبار ان شاء الله

وانا استخرت ربنا والان بستشير اهل الخبرة
بس ياريت اعرف من ناس جربواها ميش حد مجرد شافها وخلاص
أهل التجربة والخبرة

رد: انا هشتري ماروتي النهاردة عايز مساعدة من اهل الخبرة ضروري جداااااا
 

الاخ العزيز / انا عندي ماروتي 2007 بقالها عندي حوالى 3 سنوات
هي عربية كويسة وقطع غيارها رخيصة وبقت متوفرة وبتشتغل ببنزين 80 ميه ميه
وربنا يوفقك ويعطيك خيرها

رد: انا هشتري ماروتي النهاردة عايز مساعدة من اهل الخبرة ضروري جداااااا
 

رد: انا هشتري ماروتي النهاردة عايز مساعدة من اهل الخبرة ضروري جداااااا
 

نقول مبروك يا باشا

الماروتي عربية حلوة و اقتصادية جدا ،،، عيبها ضعف الصاج بس و ربنا يسترها معاك ان شاء الله

رد: انا هشتري ماروتي النهاردة عايز مساعدة من اهل الخبرة ضروري جداااااا
 

الماروتى سيارة اقتصادية جدا فى البنزين وسيارة عملية جدا داخل المدينة لان حجمها صغير وده ميزة ليها فى الشوارع الزحمة وركن السيارة . وهى اثبيتت كفاءة فى الطرق
انا شخصيا لى جارى مقيم فى الشرقية بيسافر بيها يوميا الى القاهرة ( مكان عمله ) يعنى بيقطع كل يوم مش اقل من 80 كم وهى معاه بقالها اكثر من سنتين وماشاء الله مبسوط منها جدا خاصة فى استهلاك البنزين تقريبا الصفيحة ( الصفيحة = 20 لتر ) بتعمل معاه من 450 الى 500 كم
الف مبروك مقدما وربنا يعطيك خيرها ويكفيك شرها