مصر موتورز مجتمع السيارات - سؤال عن الركن في الممنوع

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - سؤال عن الركن في الممنوع (https://www.masrmotors.com/vb/showthread.php?t=43674)

koko1971

20-12-2010 12:42 PM

سؤال عن الركن في الممنوع

كان عندي مشوار مهم ودورت على ركنة وكالعادة ملاقيتش ، قمت ركنت العربية في الممنوع ومش صف ثاني بعد عشر دقائق رجعت لقيت واحد صول واقف عمال يكتب في النمرة ، وقعد يخوفني ويقولي إيه المصيبة اللي أنت هببتها دي دأنت كده حيجيلك غرامة 1500 جنيه ، حاولت معاه بشتى الطرق , ولكن كان قفل مسوجر ، وحسيت أنه عاوز يذلني ويتعوج عليا وخلاص ومرضيش يتكلم معايا خالص ، هل فعلا الغرامة 1500 ولا هو بيخوفني ، وهل دي فيها معارضة ولا زي عكس الاتجاه

المناور

20-12-2010 01:03 PM

رد: سؤال عن الركن في الممنوع

ايه الاشتغالة دى غرامة ايه اللى ب 1500 ان كان المشى فى الاتجاه المعاكس ب 1000 جنيه ودى بيتهيألى اكبر مخالفة .
أنا اخدت من سنة مخالفة كانت ب 26 جنيه بس مش فاكر دى كانت صف تانى ولا وقوف فى الممنوع .

أنا شايف انك تعمل بحث سريع فى المنتدى علشان يطمئن قلبك وبإذن الله حايطلع اللى قاله الصول غلط .

koko1971

20-12-2010 04:30 PM

رد: سؤال عن الركن في الممنوع

هل تفتكر الـ 26 جنيه دي كانت في القانون القديم ولا الجديد ، وهل كانت غرامة فورية ولا دفعتها وانت بتجدد؟ أرجو الاهتمام

koko1971

20-12-2010 04:31 PM

رد: سؤال عن الركن في الممنوع

على فكرة أنا شفته وهو بيكتب في المخالفة عبارة "تعطيل حركة المرور" يانهار أسود هو الموضوع كبير ولا إيه

المناور

20-12-2010 04:37 PM

رد: سؤال عن الركن في الممنوع

أنا دفعتها من سنة بالظبط يعنى فى مثل هذه الأيام وأنا فاكر ده كويس لانى خدت المخالفة بعد ما اشتريت العربية باسبوع ودفعتها بعد 5 شهور فى الترخيص بس بصراحة معرفش ده كان فى القانون القديم ولا الجديد .

الساعة الآن 09:39 AM.