مصر موتورز مجتمع السيارات - حوادث حوادث حوادث................. حوادث

ممكن يكون الموضوع تقيل حبتين وكئيب بس لازم نعرف ان الموضوع مهم وخطر جدا
وهنستعرض مع بعض الاخطاء اللى حصلت معاى ومع اقاربى واصدقائى ومع ناس لا اعرفها
علشان نتعلم من اخطاء الأخرين

الحادثه الاولى :
كانت مع واحد صاحبى وكان الموتوسيكل الصينى لسه نازل وكان راكب هو واخوه الصغير وطفل عنده سنه واحده
كان ماشى على الطريق عادى جدا ومره واحده اتفاجىء بموتيسيكل صينى راكب عليه 3 عيال تييييييت اوى بيرقصوا على الطريق وكانوا ماشيين بسرعه
وبعدين دخلوا فيه POLICEE
النتيجه :
الحمد لله ربنا ستر على الطفل الصغير وعلى اخوه وطبعا صاحبى
اتبهدل بمعنى الكلمه انا ذهبت لزيارته فى قسم الصينى لم اقدر على النظر اليه
مركبين ليه حاجات غريبه فى صوابعه ورجليه مسامير وشرايح وربنا يستر علينا

الدروس المستفاده من هذه القصه :
الغلطه ممكن تيجى من غيرك
اوعى تاخد طفل صغير معاك على البايك

القصه الثانيه :
حصلت قريب جدا وللاسف مع واحد قريبى عارفيين للاسف ليه !!!
كان راكب الحته الصينى وبيجرى وكان بيعدى الطريق وكان فى ميكروباص كان ماشى بسرعته وطبعا قريبى بدل ما يقف ويبص يمين وشمال لالالالالالالا
راح داخل فى الطريق علطول راح الميكروباص نسفه من على الطريق
النتيجه :
راح المستشفى وحالته كانت حرجه جدا وبعدين.......... بتروا قدمه ايوه قريبى دلوقتى برجل واحده " الحمد لله الذى عافانا وفضلنا على كثير ممن خلق تفضيلا "
طبعا نهايه مؤلمه وهو لسه صغير 24 سنه بس وكان لسه هيتجوز
ربنا يحفظنا ويسترها علينا

الدروس المستفاده من هذه القصه
قبل ما تعبر الطريق لازم تقف وتبص يمين وشمال
ممكن تقولى طيب لو الطريق اتجاه واحد بالتالى هانظر الى الناحيه اللى بيجى منها العربيات ؟
هقولك احنا فى مصر ام الدنيا اكيد ممكن تلاقى واحد ماشى معاكس مش لازم عربيه ولابايك انما عجله تلاقيهم اللى راكبين عجل عادى واللى بالباطاريه بيمشوا معاكس
والموضوع ده بيحصل معاى كتييييييير ............خلى بالكPOLICEE