عايز مساعدتكم ضرووورى
 

اولا انا عضو جديد معاكم فى المنتدى واتمنى ان اصحاب الخبره يفيدونى

انا بشترى عربيه جديده و حاطط سعر من 60 الف ل 70 الف جنيه لا ازيد ولا اقل
انا من الاسكندريه ... نزلت اتفرجت على فئه العربيات اللى تتناسب مع الاسعار دى لقيت المقارنه بين اتنين ملهمش تالت
اولا : هيونداى فيرنا ستار 2010
ودى لقيتها ب 65 الف جنيه هاف اوبشن .. طبعا شكل العربيه جامد بعد التعديلات الرياضيه اللى عملوها فى الفيرنا.... موتور 1600 ...16 صباب
عتب جانبى رياضى - سبويلر هو مش رياضى اوى بس منظره حلو - الفوانيس حاسس انها متغيره وشكلها احسن - التابلوه والعدادات شكلهم رياضى جدا ومقبول .. وطبعا التقفيل مصرى

ثانيا : الغنيه عن التعريف شيفروليه لانوس 2011
ودى تمنها 70 الف كامله LS .... شكلها معروف ومتغيرش من ايام الدايو وبرضو التقفيل مصرى ومفيش ف الشكل حاجه جديده
موتور 1500 - 8 صباب

كل اللى اسأله على الاتنين دول واحد يطلعلى ف الفيرنا عيوب الدنيا ويحسسنى انها محصلتش توك توك عطلان .. وواحد يطلعلى فى اللانوس عيوب العالم وبرضو بحس انها زفت

انا طالب منكم نصيحه اخويه اجيب الفيرنا ستار ولا الشيفروليه لانوس
بس ارجوكم اللى هيتكلم يكون مجرب ومحدش يقولى هات رينو لوجان لانها خارج حساباتى خااااااااااااااالص

وشكرااااااااااااا مقدما

رد: عايز مساعدتكم ضرووورى
 

لو انت بتقارن بين دول بس يبقى توكل على الله و هات الفيرنا و سيبك من هوار الستار ده علشان ميستحلشى ال 2000 جنيه الزيادة و انصحك تزود 5 و تجيب الاتوماتيك علشان تحس بجد بقيمة العربية دى.

اللنوس جميلة بس ماتور بتكنولوجيا اقدم من الفيرنا و ده كفاية.

بصراحة معظم الناس اللى فى المنتدى مشاكلهم خاصة الفيرنا بتتلخص فى بعض عيوب التقفيل اللى يتظبط مع الصيانة الاولى و كلام عن الفرامل و الثبات بعد 120 ك غير كده مفيش.

رأى الشخصى الفيرنا كفتها ارجح فى المتوسط اللى انت حطه و لو عندك قابلية تستنى شوية بص على الساجا بغض النظر عن قطع غيارها.

رد: عايز مساعدتكم ضرووورى
 

والله الفيرنا افضل في حاجات كتير وانا مجربها من شهر10 \ 2008
وهي مو2009 وماشاء الله 10\10 ومجرب كل حاجة فيها وفي عيوب كتير تلافوها في التقفيل وبقت احسن في 2010 و2011

رد: عايز مساعدتكم ضرووورى
 

والله العظيم الفيرنا ال1600 الكامله معايا من 2007 وعاملها تاكسى وعليها شبكه بشيل عليها كتير عمرها ماعملت دقه نقص وكفايه قطع غيارها اللى باالهبل وزى الفل وتوكل على الله وربنا يكرمك

رد: عايز مساعدتكم ضرووورى
 

ضيف اقتراح من عندي توكل علي الله وهات لوجان