العربية سخنت و غيرت جوان وش السلندر بس في مشكلة ارجو المساعدة..
 

السلام عليكم و رحمة الله و بركاته ...
ياجماعة الرجاء المساعدة انا عندي عربية سويفت 96 كان فيها مشكلة ان الحرارة بتزيد و كانت المشكلة في الراديتير و طبة المرةحة انا عرفت سبب المشكلة بس بعد اللي حصل ما حصل nononono العربية رفعت حرارة جامد و المكنة دخنت و الردتير كان مفهموش مية ... المهم سبتها لما بردت وزودت ميه ... و دارت الحمد لله بس لقيت بقى الموتور و انا ماشي في صوت تكتكة غريب كانه صوت تاكيهات بس عالي ...
رحت للمكانيكي شفنا الميه في الرادتير فقاقيع ... جوان سلندر .. كان يوم غيرت الجوان و طرمبة الميه و البوجيهات و السيور .. الحمد لله على كل حال...
قلت بقى صوت التكتكة هيروح ... مرحش برده
المشكلة اللي عندي الوقتي ان و انا بدوس بنزين الموتور صوته خشن قوي و كمان على الاول و التاني صوت تكتكتكتكتكتكتكتكتكتكتكتكت كتكتك تكتكة بيزيد لما ادوس بنزين بس بيروح بعد سرعة ال 40 .... الرجاء حد يفهمني ايه اللي حصل؟؟؟

وهل صةت التكلتة ده من البساتم ولا من ايه بالظبط ... انا حاسس كمان ان سحب العربية قل بشكل كبير ...
الرجاء المساعدة و في انتظار الردود و لكم جزيل الشكر

رد: العربية سخنت و غيرت جوان وش السلندر بس في مشكلة ارجو المساعدة..
 

حاول تحدد مكان التكتكه بالتقريب

بمعنى

بجوار غطاء تزويد أو تعبئة الزيت

لو لقيت صوت التكتكه ظاهر على غطاء التاكيهات

فى صورة نقر متتابع

يبقى العيب من التاكيهات أو يوجد خلل فى آداء عامود الكامه بسبب تعرض سبايكه أو

كراسى تحميله للسخونه مع الحادث السابق

مما أثر على شغل منظومة التاكيهات

______________________

شوف القصه دى الأول

وأنت واقف ومدور وممور وزود سرعه من البكره

وشوف هل الأمور زى زمان ولا لا

جرب وأنقلى الصوره

رد: العربية سخنت و غيرت جوان وش السلندر بس في مشكلة ارجو المساعدة..
 

قدر الله وما شاء فعل بس ممكن سوال لان حصلتلى نفس المشكلة وغيرت وش سلندر هوا حضرتك غيرتوه بكام انا دفعت 180 جنية يومها هل ده كويس ولا نصب !

رد: العربية سخنت و غيرت جوان وش السلندر بس في مشكلة ارجو المساعدة..
 

هو اكيد يقصد صوت التسقيف يا باشمهندس ..

لانه بيقول الصوت بيروح بعد سرعة 40 ..



بالنسبة لصاحب الموضوع ..

شوف يا باشا ..

التصقيف اسبابه كتيرة .. اولها الحرارة الزايدة ..و ممكن يكون البنزين مغشوش وعليه ميه .. وممكن بسبب عدم ضبط الافانس بتاع الاسبراتير فالحرق بيكون مش مظبوط وده السبب المحتمل ..

لازم ترجع للميكانيكى وتقوله المشكلة .. وغالبا هتحتاج لظبط الاسبراتير .. وان شاء الله بسيطة ..


اما بالنسبة لخشونة الموتور .. لو عامل صوت رزع (يشبة صوت مواتير النص نقل الجاز) يبقى ده ظبط تاكيهات زى ما بشمهندش سمير قالك ..

علشان كده لازم ترجع للميكانيكى يظبطلك الكلام ده كله ..

وربنا يوفقك ..

رد: العربية سخنت و غيرت جوان وش السلندر بس في مشكلة ارجو المساعدة..
 

طيب يا جماعة لو صوت الموتور بيبقى عامل زي صوت بلية العجل لما بتبقى عايزة تتغير، يعني بيدي صوت زي فوج فوج ....... يعني حاجة زي كدة، يبقى إيه؟؟؟