صاحبى قرر يشترى جاك بى 15 ممكن مساعدة؟
 

بسم الله الرحمن الرحيم

السلام عليكم ورحمة الله وبركاته

==


شباب المرة دى جايلكم فى حاجة مينفعش تتأجل


دلوقتى صاحب أمنى اكتب الموضوع دا لإنو ناوى يجيب جاك بى 15 وهو لسا شاب زينا ياجماعة والمبلغ الى هيندفع مش شوية والمبلغ الى هو نفسه هسيتلفه مش شوية بردو

بس هو متردد شويتين لإنه فكر فى الاسبرانزا وقال انها توكيل قوى وسعر جيد

كمان فكر فى الفيرنا

لاكن لما شاف الجاك انهبل بجمالها

ياريت ياجماعة ودى اهم حاجة فى العربية

صور من تصويركم يعنى مش من كتالوج او من النت يكون واحد مصور عربيته او عربية كان بيشوفها فى التوكيل ولاحاجة

وياريت تجربتكم وكلامكم بكل امانة

أهم طلب

ابرز عيوب السيارة ؟.؟

اتزان السيارة الى اى سرعة ؟

صالون السيارة كيف حالة ؟

خامات التقفيل ايه نظامها ؟

التوكيل ؟؟

رد: صاحبى قرر يشترى جاك بى 15 ممكن مساعدة؟
 

يسعدنى جدا انى ارد عليك
بسقبل مارد لازم اوضح حاجة
ان كلنا المبلغ الى دفعناة مش شوية
وان كلنا جازفنا مجازفة شديدة واحنا بنشترى العربية يمكن انا واستاذ تيمو اكتر ناس جازفنا فشرا العربية لاننا كنا اول دفعة تستلم
وان كلنا بردو الفلوس تعبنا فيها
يعنى اقصد من الاخر لو فى تردد فكلنا اترددنا وواحنا بنشترى فكرنا ان ممكن ووارد جدا يطلع عيوب لانها صناعة بشرية فالاخر بغض النظر عن انها صينية
عموما نجاوب على اسألتك
بلنسبة للمقارنة بينها وبين الاسبيرانزا فهتلاقى مواضيع كتير هنا وفقسم الاسبيرانزا فيها نقاش
بلنسبة للصالون اوسع صالون ففئتها بلا منافس لانها قاعدة عجلات 2.70 يعنى مفيش احسن من كدة
التصميم ايطالى طبعا ولا اروع ولا اجمل يهبل وموتور بتكنولجيا متسوبيشى
بلنسبة للخامات فحضرتك بمنتهى السهولة لو رحت المعرض افتح العربية وشوف الخامات وامسكها بايدك
طابلوة جلد وفرض جلد واخر شياكة يعيبها فقط ان فرش العربية فالارضيات فاتح بس فالاخر كلنا بنجيب دواسات يعنى
بلنسبة للاتزان
انا لست من هواة السرعة ومجربتش العربية بعد ل 120 نهائى لانى مش بحب السرعة بدون اسباب خصوصا ان مفيش طرق فمصر تستحق السفر عليها بسرعة اكبر من كدة مهما كان نوع العربية
عيوب السيبارة الى ظهرت معايا وبكل امانة
المسوجر الورانى سقط عشان الاطفال واللعب بس مسببش اى مشكلة لان السنتر كان بيفتح ويقفل عادى جدا يعنى كشكل فقط وطبعا اتعمل فاول صيانة
العفشة بتسمع صوتها على الارض لان الكاوتشات 16 وجنوط
طبعا سماعات رائعة وكاسيت اروع
وكماليات لا خلاف عليها بدون فتحة سقف وينقصها الفتيس الاوتو
من الاخر استخير وربنا يوفقك واى استفسار كل الاخوة هنا هيردو عليك
وبعتذر للاخوة عن الفترة الى فاتت النت كان قاطع والجهاز كان بايظ والله

رد: صاحبى قرر يشترى جاك بى 15 ممكن مساعدة؟
 

اشكر حضرتك جداً على المرور الوافى ولك تحية عطرة

اطلب من حضرتك توضيح بشأن


بالنسبة لذهابى للمعرض فأنا من المحلة الكبرى انا وصديقى وموضوع اننا نسافر عشان نتفرج بس دامتعب شوية

فياريت حضرتك تحط صور لعربيتك من جوا وبرا ياريت يعنى واسف لو الطلب صعب شوية بس ياريت حضرتك تصورلنا العربية من برا صورتين واحدة من ادام والتانية من الخلف

وياريت من جوا 3 او 4 صورة منهم صورة للطارة بالعدادات واخرى للطابلو والكاسيت و2 تانيين على مزاجك GIFT4UGIFT4U

جزيل الشكر مقدماً

رد: صاحبى قرر يشترى جاك بى 15 ممكن مساعدة؟
 

معلش آسف هتقل عليك بسؤال كمان

ياترى الصور الوهم اللى بنشوفها للعربية من الداخل والخارج هيا هيا الى فى مصر

لإننا متعودين نشوف العربيات وهم فى الصور ولما نروح التوكيل نلاقيه شايل نص العربية عشان الجمارك

انا بصراحة عاجبنى اوى الطابلوه ياترى هو كدا فعلاً

ارجوك خدمة ليا ولصديقى ولكل من يفكر فى هذه السيارة صور العربية واطرح الصور فى موضوع خاص حتى وادينا اللينك

رد: صاحبى قرر يشترى جاك بى 15 ممكن مساعدة؟
 

بالنيابه عن الاخ / اودا
بعض صور للجاك في مصر