صوت ونة زي الكارونا
 

في البداية السلام عليكم
دي اول مشاركة ليا معاكم و العربية دايو 99 مانيوال

العربية عندي فيها صوت ونة جاي من الامام يعني عامل زي ( هوهوهوهوهوهو)
اللي يضحك في الموضوع ان الميكانيكية محتارين في العيب وكلهم اجمعوا علي حاجة من اتنين

1- بلي عجل امامي
2- بلية الدبرياج ( او بمعني اصح ان الصوت جاي من الفتيس )

طبعا في الورشة رفع العربية من الامام وطلع علي سرعة 100 والصوت ظهر اوي راح قالي دة بلي العجل الامامي
ولما طلعنا نمشي بالعربية وهو بيحرك الدبرياج طلوع ونزول بيظهر زي صوت خشونة او حشرجة راح قالي دة من بلية الدبرياج

انا محتار اغير اية خصوصا ان التكاليف عالية في الاتنين وانا مش عاوز اصرف علي الفاضي
بلي العجل = 220 جنية للطقم + 40 تركيب = 260 جنية
الفتيس = 60 جنية بلية و 240 ديسك واسطوانة لو عاوزين يتغيرو وغير لو طلع في حاجة في التروس من جوة وغير مصنعية الفك والتركيب 100 جنية = 400 جنية

حد يعرف طريقة اتاكد بيها من الصوت جاي منين او ازاي اعرف انة من الفتيس او من البلي

رد: صوت ونة زي الكارونا
 

سهله معرفة العيب من العجل ولا لا

أعمل ترصيص على جهاز الموتوسيكل

وهو حيرفع فرده فرده ويدورها بسرعات عاليه

حيبان معاك حالة البلى مع السرعه على طول

رد: صوت ونة زي الكارونا
 

اولا انا بشكرك اوي يا باشمهندس سمير علي سرعة الرد والاستجابة

بس مش لما يلف العجل بالموتوسيكل هيبقي برضو متوصل العجل بالفتيس ولا لو الموتور مش داير هيبقي الفتيس ملوش دعوة

رد: صوت ونة زي الكارونا
 

طيب أنت جربت ترفع فرده فرده وتلفف العجل

وتسمع فيه صوت خشن ولا لا جنب العجل

وخللى بالك برضه

خشونة بلى العجل بتبان من صوت النحر بتاع البليه وهو رافع وبيرصص على

الموتوسيكل

لأن أقترابك من مصدر الصوت بيحدد مكانه بالضبط

فالموتوسيكل حيجيب معاك نتيجه كويسه

طالما هناك تركيز مع مصدر الصوت

رد: صوت ونة زي الكارونا
 

انا جربت فعلا ارفع فردة فردة والميكانيكي جنبي وبرضو مش عارف يوصل للصوت من الفتيس ولا البلي

انا ان شاء الله هروح بكرة ارصص علي الفردتين اللي في الامام واركز مع الصوت بالظبط
بس انا بجد مبسوط اني لقيتك هنا برضو و 1000 شكر ليك مرة كمان