مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- سيات SEAT (https://www.masrmotors.com/vb/forumdisplay.php?f=20)

- - تركيب تكييف (https://www.masrmotors.com/vb/showthread.php?t=40742)

تركيب تكييف

الاخوه الاعزاء
السلام عليكم و رحمه الله و بركاته
دى اول مشاركه لى فى المنتدى و اتمنى ان استفيد من الاخوه الاعضاء القدامى فى استفسارى
الحقيقه انى ارغب فى شراء سياره ابيزا و لكنى لاحظت ان معظم الاعلانات عن عربيات ابيزا مش مكيفه و سعرها مش اقل بكتير عن الى مكيفه من نفس الموديل و الحاله
و لو فرضنا ان تكلفه تركيب تكييف جديد حوالى 2500 الى 3000 جنيه فالواحد ممكن يفاصل فى هذا الاطار علشان ينزل من سعر العربيه ما يساوى تكلفه التركيب
لكن الى اتمنى ان حد يفيدنى فيه هو
- هل هناك اى مشاكل من تركيب تكييف لابيزا موديل 94 و انت طالع و هل هى مجهزه لذلك خاصه للتجهيزات الى بتكون من جوه الصالون(فتحات توزيع الهواء-المروحه الداخليه لدفع الهواء-البكر الى فى التابلوه للتحكم فى سرعه المروحه و التبريد)
و اخيرا اتمنى حد يكون فعليا ركب تكييف يفيدنا بنتائج التجربه

رد: تركيب تكييف

وعليكم السلام ورحمه الله........ايبيزا 94 مجهزة لتركيب تكييف وبها فتحات وبكر التكييف بس الموتور اساسا مش مصمم لتشغيل تكييف بمعني ان هتركب كومبريسور بلدي فهيموت الموتور ولو هتركب كومبريسور استيراد مش هيكون بتاع الموتور الفابريكة اللي بتنزل به فمصر وهتعملوا قاعدة بلدي عالموتور وكده مع خراطيم وسربنتينه التكييف وكويل التكييف اللي داخل التابلوه.....الافضل الكومبريسور الاستيراد.....حاجة تانية لو الموتور كبسة اقل من 70% فالبنزينة لما تيجي تقيسه الأفضل تسقط موتور استيراد بتكييفه بمشتملاته من فتيس وردياتير كبير 2مروحة وكده لأن عمرته مش حلوة إلا لو لقيت ميكانيكي فاهم فالأفضل الاستيراد حتي الموتور هيجي بتكييفه الكومبريسور يعني ومصمم لكده فيوم متشغل التكييف العربية مش هتبقي بطة يعني
*ودي المواتير اللي بتنزل بها ايبيزا من93 ل96 واللي التسقيط فيها هيكون اسهل من المواتير الأعلي فالموديل وارخص فالتكلفة والله اعلم

1.3 8v [54 PS/40 kW]
1.4 8v [60 PS/44 kW]
1.6 8v [75 PS/55 kW]
1.8 8v [90 PS/66 kW]
1.8 16v [129 PS/95 kW] (GTI)
2.0 8v [116 PS/85 kW] (GTI)
ال1300 اللي فوق ده الموتور اللي نزلت به مصر وبالتوفيق يا جني
وين رحت يا محمد ايبيزا طيب ادخل طمننا عليك ربنا يوفقك ياباشا