محاولة الإجابة عن سؤال: هل السيارات القديمة أفضل من السيارات الجديدة؟
 

محاولة الإجابة عن سؤال: هل السيارات القديمة أفضل من السيارات الجديدة؟

فقد لاحظت تفضيل بعض الناس للسيارات القديمة عن السيارات الجديدة فكلنا رأينا الهوندا والتويوتا والمازدا والديهاتسو والنيسان والفيات والبيجو والفولكس وغيرها الكثير من موديلات أواخر السبعينات والثمانيات وقد يكون ذلك لقوتها ومتانتها ودقة الصنعة بها وبساطة عملها فلا يوجد بها الحساسات والرشاشات والبخاخات وما إلى ذلك والتي لا تناسب إمكانيات الفنيين في مصر ولا محطات الوقود ومشاكل قطع الغيار غير الأصلية وتكلفة صيانة هذه السيارات بالرغم من أن السيارات الجديدة مريحة وناعمة والشكل الحديث وتكنولوجيا حديثة وأعطال أقل فهل من يحاول الإجابة معنا على هذا السؤال

رد: محاولة الإجابة عن سؤال: هل السيارات القديمة هل هي أفضل من السيارات الجديدة
 

بص يا استاذ مصطفى
بغض النظر عن السؤال احب اقول ان ليا الشرف ان اكون اول من رد عليك
السؤال هنجاواب عليه من عدة نقاط و وجهات نظر
مبدئيا انا كان معايا بيجو 504 و دلوقتى معايا هيونداى ماتريكس
من وجهة نظرى انا بحب العربيات القديمة فى قوة الهيكل و متانته و قوة العفشة بس ده بيجى على حساب حاجات كتييييييييييييير اهمها
1-الراحة النفسية لسائق السيارة :ممكن وانت سايق عربية قديمة تلاقى صوت الموتور عالى +مش كفء +مفيش عزل للصوت جيد +عزل حرارى مش حلو +استهلاك بنزين زيادة+اداء لا يليق بشاب مثلى -على الاقل-كل ده يخلي السائق (متعقد نفسيا )
2-الامان:مش معنى ان الصاج جامد و متين ان العربية دى امان الفيديو ده هيوضح وجهة نظرى عشان مطولش
http://www.youtube.com/watch?v=cJrXViFfMGk
شوف السواق فى كل من الحالتين+كابينة الركاب اتأثرت أد ايه
3:العربيات الجديدة يعنى موتور صغير السعة اللترية قوى و اقتصادى +وزن سيارة اقل (طبعا عشان الصاج سمكه اقل )
4:ممكن نقول بقى الثبات بيزيد مع الاحدث و العكس صحيح
5:الرفاهية اعلى و اكفا (بتختلف من سيارة لاخرى)
6:عشان مطولش يبقى كفاية كده و شكرا للاهتمام و القراءة
و ياريت اسمع ردودكم الحلوة و شكرا 4BY4

رد: محاولة الإجابة عن سؤال: هل السيارات القديمة هل هي أفضل من السيارات الجديدة
 

يا أستاذ أحمد
شكرا على الرد ورأيك محترم جدا وأنا متفق معك في حاجات كتير، بس متنساش تكلفة ومصاريف العربية الجديدة غير القديمة خالص وكمان الشارع المصري ونوعية قيادة السائقين تخليك تخاف تمشي بالعربية، وبرضه العربيات الجديدة مش معمولة عشان تعيش وتعمر، أما الأصوات من العربيات القديمة فأنا باتكلم عن الأنواع الكويسة زي الياباني القديم مثلا فهو بيديك أداء قريب قوي للجديد وتكلفة صيانة رخيصة وناعمة كمان، أنا بوضح الآراء اللي باسمعها وكمان الفنيين الميكانيكية والصنيايعية بيتكلموا عن القديم من الأنواع دي بشكل كويس قوي

رد: محاولة الإجابة عن سؤال: هل السيارات القديمة أفضل من السيارات الجديدة؟
 

استاذ مصطفى
أولا لا شكر على واجب انا كنت باقول رايى بس
و بعدين انا بتكلم عن عربيتى القديمة بيجو 504 مو 1977
ثم ان العربية دى اجمل عربية سقتها بس ما ينفعش نطلع لعربيات الجديدة وحشة و هى مش كده صح؟
و صدقنى لو فيه فرصة اركب عربية قديمة يابانى اكيد هيبقى ليا وجهة نظر تانية
بس انا شخصيا باعتبر العربيات القديمة فى السنوات اقل من 1980 اما ما بعد ذلك فهو الجيل الجديد
و شكرا

رد: محاولة الإجابة عن سؤال: هل السيارات القديمة أفضل من السيارات الجديدة؟
 

انا رايى مش كل الجديد ولا كل المستعمل وكل سيارة لو بقت مناسبة لسعرها هتكون كويسة