مشكله بايخه فى العربيه 128
 

السلام عليكم- اشتريت عربيه 128 جديدة موديل 2008 بس فيها مشكله ان البنزين لماافول العربيه بلاقيه بينقط من تحت التنك نصحونى مفولش على الاخر - كمان الفتيس فى ىالغيار العكسى مرة يكون كويس ومرات بايخ مش بيتاخد على طول اعمل ايه ارجوكم دلونى انا حديث فى القيادة وعالم السيارات- ولكم كل الشكر

رد: مشكله بايخه فى العربيه 128
 

البنزين بينقط يبقى غالبا التنك مخروم .. ودى مشكله بسيطة وتافهة وفى نفس الوقت بايخة جدا ..

لانك هتحتاج تفك التنك خاص وتفضيه من البنزين ويتغسل كويس جدا جدا من البنزين وبعدين يتلحم .. وبعدين تركبه تانى ..

بالنسبة للفتيس المشكلة دى محتاج انك ترفع الدبرياج شويه .. لو فضلت المشكلة يبقى عيب ترس الغويشة فى الفتيس نفسه ...

رد: مشكله بايخه فى العربيه 128
 

لو البنزين بينقط من جهة فتحة التانك
يبقى ممكن يكون خرطوم الفايظ اللى بيخرج البنزين الزيادة
او يكون الغطا بتاع فتحة التنك مش بيقفل كويس
لكن لو من اى مكان تانى يبقى ميكانيكى يشوفها
جايز شرخ بسيط او خرم صغير
بسيطة ان شاء الله




تحياتى للجميع

رد: مشكله بايخه فى العربيه 128
 

نفس المشكلة بتاع تنقيط البنزين لما أفول, كانت حصلت معايا فى عربيتنا البيجو ال505 و لقيت المشكلة , أن الجوان اللى حوالين عوامة تنك البنزين اللى راكبة على السطح العلوى للتنك , بتنفد حواليها و مجرد ما فكيت العوامة و غيرت الجوان , الأمور اتصلحت و كل ده تم من الشنطة , يعنى فتحت الشنطة و رفعت الفرش و فكيت العوامة و غيرت الجوان اللى حوالين عوامة البنزين و رجعت ركبت كل حاجة زى ماكانت تانى و المشكلة اتحلت .

رد: مشكله بايخه فى العربيه 128
 

موضوع البنزين مش حيخرج عن رد الزملاء

موضوع مارشيدير الفتيس ده طبيعى فى كل الماركات فتيس مانيوال (اوبل - دايو - تويوتا ......الخ)
فالصح ان لو علق معاك انك متعافرش لا شيل رجلك من على الدبرياج خالص على وضع المور و بعدين دوس دبرياج تانى حتنقل معاك مرشيدير بسهولة