اغثونى بارك الله فيكم
 

مشكلنى تنحصر فى الاتى
انا معاى عربيه سويفت 94 من يوم ماشترتها وهى مغلبانى ومطلعه عينى وخربت بيتى فى المصاريف والمشكله تنحصر فى الاتى
1- المروحه عندى كانت شغاله ديكرت روحت للكهربائى خلاها تشتغل على 90 وتفصل على سبعين والمفترض ان دة الطبيعى لاى عربيه لكن اختلف الامر معاى فى ايه بقا اول ما الكهربائى شغل الترمثتات ضربت معاى جوان والزيت دخل على الريدتير غيرت جوان حوالى خمس مرات قالو خلى المروحه شغاله على طول انظبطت العربيه ومشيت زى الفل وبطلت تضرب معاى الجوان لكن قابلتنى مشكله تانى ايه هى
2- كل شهرين بالظبط او ثلاث شهور اغير بطاريه روحت للكهربائى مرة قال المارش ومرة الدينمو واشتغلنى بما يرضى الله قال فى عندك عيب فى الضفيرة حالنى غيرت ضفيرة كامله ولسه العيب هو هو روحت لكهربائى اخر قالى المشكله مش كهربائ المشكله ان المروحه طالما شغاله ديكرت وما بتفصلشى هتاكل منك بطاريه
الســــــــــــــــــــــ ـــــــــــــــــــــــــ ـــــــــــوال
هل العيب فى وش السلندر وهل ممكن يكون هو الا بيسخن العربيه
طيب لو هو اغيرة ولا اعمل ايه ولو غيرته السخونه هتروح واحد يقولى ممكن يكون الرديتير اقولك غسلت الرديتر وسلكته عملت اى شى ممكن تتخيله
ممكن وش السلندر يطلع زى بخار من خفيف كدة بس الحمد الله ان الماكنه العادم بتاعها طبيعى فاغثونى وانقذونى جزاكم الله خيرا وانا اسف جدا للاطاله

رد: اغثونى بارك الله فيكم
 

سؤالين

1- هل عندك قربه بتزود منها الميه ....ولا ردياتير فقط من غير قربه

2- هل ثرموستات الكوعه متشال ولا متعرفش أذا كان موجود ولا لا

رد: اغثونى بارك الله فيكم
 

انا بشكرك جدا على اهتمامك ورد على بالنسبه للقربه موجودة وبالنسبه للترموستات الا فى الكوعه مش موجودة

رد: اغثونى بارك الله فيكم
 

غالبا وش السلندر قفع مع أرتفاع الحراره وأحمال الحريق

ومن هنا بيحدث تفويت لنسب من كبس الغرف الى مية التبريد

وبالطبع لازم المكنه تسخن بأستمرار

فى الحاله دى

بيفضل تغيير وش سلندر بعد أختبار أستقامة وجه الوش القديم

طيب عاوزين نعرف فعلا فيه تفويت كبس للميه ولا لا

نعمل أيه

1- بمجرد ماتدور المكنه للتسخين وبمجرد أستقرار عدد لفات السلانسيه وهدوء المكنه بعد الدواره ( وقبل أن تسخن المكنه )

2- وأنت واقف وممور وفاتح الكبوت

3- من عند بكرة الأكسراتير ( الموجوده على جانب الكربوراتير )

4- أعمل أمبيلهات تزويد سرعات عاليه مع جعل غطاء القربه مفتوح للجو الخارجى

والله لقيت الميه بتبقلل فى القربه

فهذا دليل على هروب نسب من كبس غرف الحريق الى مية التبريد

لقيت الوضع ده موجود

توكل على الله وغير وش السلندر

وستصير الأمور على مايرام بأذن الله

رد: اغثونى بارك الله فيكم
 

افهم من كلام حضرتك ان وش السلندر هو السبب الرئيسى فى السخونه طيب ممكن اخرطه ولا اغيرة ولو وديته للخراط وعمله السخونه هتروح ومش هشغل المروحه ديركت