استغاثة من البترا 2004
 

انا غلطت عمرى ان عربيتى البترا كانت متظبطة وزى الفل ولما قلت اغير السيور والبوجيهات والفلاتر بقت بتنتش وغير مستقرة فى السلانسية وبتبطل لما اجى اطلع ومش عارف ليها حل مع العلم ان البوجيهات الجديدة كويسة جدا واكون مشكور لو فى اى حد يدلنى على ميكانيكى فى منطقة المهندسين يكون اتعامل معاة ولكم الشكر

رد: استغاثة من البترا 2004
 

فى الغالب يا باشا دة مشكلة بوجيهات ممكن تكون البوجيهات الجديدة مضروبة هات نوع كويس وجرب وكمان نظف بوابة الانجكشن.

رد: استغاثة من البترا 2004
 

ممكن فعلا تشيك على البوجيهات مره تانيه

مع الألتزام بنفس النوع القديم المستبدل

وظبط ثغرة البوجيه على الوضع والقيمه المقرره لمكنتك

فجايز يكون الميكانيكى ركبلك بوجيهات غير مناسبه

ومن هنا بيحدث التنتيش وعدم الحصول على شراره جيده

وممكن ببساطه

تنظف البوجيهات القديمه وتجرب الوضع بيهم طالما مكنش فيه مشكله معاك قبل الصيانه الأخيره

_________________________ _____

نفترض أن البوجيهات كانت بريئه من المشاكل دى

يبقى من الوارد يكون الميكانيكى لم يقم بالضبط الصحيح لتقسيمة المكنه وقت تغيير سير الكاتينه