مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - يعني ايه كامه؟ (https://www.masrmotors.com/vb/showthread.php?t=36660)

يعني ايه كامه؟

احم احم
من غير ما حد يضحك عليا والشرح يكون ببساطه اخوكم الصغييييير جدا الميكايكا
يعني ايه كاما واحد كاما واتنين كاما
ويقولك موتور 1300 واحد كاما و1300 2 كاما وده ليه قطع غيار وده ملهوش انا مش فاهم حاجه خاااااااااااااااااااالص(w hat)

رد: يعني ايه كامه؟

بص ياباشا, أحنا متفقين أن الموتور العادى بيبقى مكون من سلندرات, 4سلندر عادة, صح.

السلندر فيه من فوق فتحتين, واحدة للبنزين والهواء والتانية للعادم, تمام.

الفتحتين دول على كل واحدة حاجة أسمها صباب بيتحكم فى غلق وفتح الفتحة دى, الكامة بقى هى اللى بتحدد وقت فتح الصباب, والمدة اللى هيتفتحها.

ببساطة, ده أنيميشن للسلندر (أصبر عليه لحد مايحمل :))

http://upload.wikimedia.org/wikipedi...o_3D_Small.gif
فى أعلى الصورة خالص جنب الرقم فيه 2 شكل بيضاوى بيتحركوا , كل واحد فيهم مسئول عن فتح صباب, على اليمين صباب البنزين والهواء, والشمال مخرج العادم.

صورة تانية:-
http://upload.wikimedia.org/wikipedi...ne_diagram.jpg

I: كامة رقم 1
E: كامة رقم 2
V: دول الصبابات اللى أتكلمنا عنها.

على فكرة الصورتين اللى فوق دول لمواتير 2 كامة, وزى ماحضرتك شايف فيه كامة بتتحكم فى فتح صباب البنزين والهواء, وكامة فى خروج العادم.

الواحد كامة نفس المبدأ, لكن بالشكل التالى
http://upload.wikimedia.org/wikipedi...nwelle_ani.gif

كامة واحدة بتتحكم فى الصبابين مع بعض.

وده شكل الكامة الكاملة بالمناسبة

http://www.nevarezracing.com/store/i...+cam_shaft.jpg

وبتمر فوق الأربع سلندرات من جوه الموتور, لو بتشوف القطعة البلاستيك اللى بتبقى مغطية المواتير فالكامة بتبقى غالبا موجودة تحتها.

الحدبات اللى على الكامة كل حدبة مخصصة لصباب, وفترة فتح الصباب بتعتمد على شكل وحجم الحدبة.

فيه عربيات مواتيرها 8 صباب, بمعنى لو الموتور 4 سلندر كل سلندر ليه 2 صباب واحد للعادم واحد للهواء والبنزين.

وعربيات مواتيرها 16 صباب, كل سلندر ليه 4 صبابات 2منهم هواء وبنزين وأثنين للعاد, وطبعا ده أدائه أفضل من ال 8 صباب.

موتور 1 كامة (الكامة بتعتمد فى شغلها على عمود الكرنك, بمعنى الموتور بيدور نفسه بنفسه)
http://www.samarins.com/glossary/sohc_engine1.gif

موتور 2 كامة

http://www.synlube.com/images/DOHC4.gif

الأثنين كامة بيطلع عدد أحصنة أكبر من مثيله الواحد كامة, لكن مبيفرقش كتير فى العزم, كمثال اللانوس بتنزل بموتور 1.5 لتر كامة واحدة بيطلع 85 حصان, وبتنزل بموتور تانى1.5 لتر 2 كامة بيطلع 105 حصان.

وبالنسبة لقطع الغيار, أغلب المواتير الأساسية اللى بتنزل فى العربيات لمصر 1 كامة, بس أغلب الناس بتسقط مواتير 2 كامة أستيراد وبالتالى بيبقى موتور نادر شوية وقطع غياره متوافرة بشكل قليل.

أرجو أنى أكون وفقت فى الشرح, وأنا موجود لأى سؤال أو تعليق فنى من الأعضاءROSE4U.

رد: يعني ايه كامه؟

تسلم ايديك ...ايه الشغل الجامد ده

رد: يعني ايه كامه؟

ادخل على الموضوع ده يا باشا هتلاقى كل حاجة عن موتور العربية ...

شرح اجزاء السيارة بالصور .. (الجزء الاول : المحرك) .. حصريا من حسام البورسعيدى ...
http://www.masrmotors.com/vb/showthread.php?t=35617

رد: يعني ايه كامه؟

اقتباس:

المشاركة الأصلية كتبت بواسطة Injection (المشاركة 259332)

بص ياباشا, أحنا متفقين أن الموتور العادى بيبقى مكون من سلندرات, 4سلندر عادة, صح.

السلندر فيه من فوق فتحتين, واحدة للبنزين والهواء والتانية للعادم, تمام.

الفتحتين دول على كل واحدة حاجة أسمها صباب بيتحكم فى غلق وفتح الفتحة دى, الكامة بقى هى اللى بتحدد وقت فتح الصباب, والمدة اللى هيتفتحها.

ببساطة, ده أنيميشن للسلندر (أصبر عليه لحد مايحمل :))

http://upload.wikimedia.org/wikipedi...o_3D_Small.gif
فى أعلى الصورة خالص جنب الرقم فيه 2 شكل بيضاوى بيتحركوا , كل واحد فيهم مسئول عن فتح صباب, على اليمين صباب البنزين والهواء, والشمال مخرج العادم.

صورة تانية:-
http://upload.wikimedia.org/wikipedi...ne_diagram.jpg

I: كامة رقم 1
E: كامة رقم 2
V: دول الصبابات اللى أتكلمنا عنها.

على فكرة الصورتين اللى فوق دول لمواتير 2 كامة, وزى ماحضرتك شايف فيه كامة بتتحكم فى فتح صباب البنزين والهواء, وكامة فى خروج العادم.

الواحد كامة نفس المبدأ, لكن بالشكل التالى
http://upload.wikimedia.org/wikipedi...nwelle_ani.gif

كامة واحدة بتتحكم فى الصبابين مع بعض.

وده شكل الكامة الكاملة بالمناسبة

http://www.nevarezracing.com/store/i...+cam_shaft.jpg

وبتمر فوق الأربع سلندرات من جوه الموتور, لو بتشوف القطعة البلاستيك اللى بتبقى مغطية المواتير فالكامة بتبقى غالبا موجودة تحتها.

الحدبات اللى على الكامة كل حدبة مخصصة لصباب, وفترة فتح الصباب بتعتمد على شكل وحجم الحدبة.

فيه عربيات مواتيرها 8 صباب, بمعنى لو الموتور 4 سلندر كل سلندر ليه 2 صباب واحد للعادم واحد للهواء والبنزين.

وعربيات مواتيرها 16 صباب, كل سلندر ليه 4 صبابات 2منهم هواء وبنزين وأثنين للعاد, وطبعا ده أدائه أفضل من ال 8 صباب.

موتور 1 كامة (الكامة بتعتمد فى شغلها على عمود الكرنك, بمعنى الموتور بيدور نفسه بنفسه)
http://www.samarins.com/glossary/sohc_engine1.gif

موتور 2 كامة

http://www.synlube.com/images/DOHC4.gif

الأثنين كامة بيطلع عدد أحصنة أكبر من مثيله الواحد كامة, لكن مبيفرقش كتير فى العزم, كمثال اللانوس بتنزل بموتور 1.5 لتر كامة واحدة بيطلع 85 حصان, وبتنزل بموتور تانى1.5 لتر 2 كامة بيطلع 105 حصان.

وبالنسبة لقطع الغيار, أغلب المواتير الأساسية اللى بتنزل فى العربيات لمصر 1 كامة, بس أغلب الناس بتسقط مواتير 2 كامة أستيراد وبالتالى بيبقى موتور نادر شوية وقطع غياره متوافرة بشكل قليل.

أرجو أنى أكون وفقت فى الشرح, وأنا موجود لأى سؤال أو تعليق فنى من الأعضاءROSE4U.

الله أكبر عليك، رائع، أنا أول مرة أفهمها من حضرتك، الصور التوضيحية جميلة وسهلة، شكرا