ابيزا94 مش هتش باك معروضة عليا وعايز رايكم
 

السلام عليكم يا اصدقائى اتمنى ان تكون بخير
انا معروض عليا ابيزا موديل 94 بسعر 35000
هى رشا برة بس نظافة وبها تكيف وباور وسنتر ورخصة سنة وصاحبها بيقول ان حالتها من جوة زى الفل
عايز اعرف اذا كانت تستاهل ولا لا على الكلام دة والسعر المناسب اية
وفى حاجة مهمة اوى عايز اعرفها هو فى ابيزا موديل 94 مش هتش باك علشان اللى بقولك عليها دية مش هتش باك
برجاء الافادة بسرعة والف شكر لمن يستجيبANAA7TG
وعلى فكرة فيها موتور 1600سى سى

رد: ابيزا94 مش هتش باك معروضة عليا وعايز رايكم
 

العربية دي مش ابيزا اصلا دي قرطبه ،،،

وهي الموديل السيدان من الابيزا و تتميز عن الابيزا بالشنطة و كذلك الموتور اقوي (زي ما سعادتك قولت بيبقي 1600 سي سي مش 1300 سي سي ) بس ياريت تسأل عن قطع الغيار بتاعتها (بتاعت الموتور الـ 1600 ) لان الابيزا ركوبة جيدة جدا و قريبة من الجولف في كل شئ بس قطع غيارها عزيزة شوية و غالية ،،،

انا كان معايا واحدة 1200 سي سي بورش ديزاين و كانت ممتازة بس ليها شوية خوازيق كده رفيعة تخليك هتتجنن منها مثل بيضة عصاية الفتيس مثلا و دي بتكون فبر و بتتاكل مع الاستخدام و ثمنها كان من 4 سنين 220 جنيه مثلا و كذلك طلمبة البنزين الكهرباء بياعتها برضه بتبوظ و ثمنها 400 جنية ،،،، و حاجات من ذلك القبيل ،،، و علشان كده ياريت تكشف علي العربية كويس و ما تشتريهاش لو كانت متهانة لانها هتصرف كثير ، اما لو كانت حالتها جيدة و ميزانيتك تسوعب تكاليف الصيانة و قطع الغيار يبقي توكل علي الله و السعر مناسب و ما فيش مانع انك تحاول الفصال برضه فلوس كتير.

و دي شوية صور ليها ( موديل 94)

http://www.cars-directory.net/pics/s...ba_1882231.jpg

http://www.cars-directory.net/pics/s..._1882231_2.jpg

رد: ابيزا94 مش هتش باك معروضة عليا وعايز رايكم
 

الف الف شكر اخى على الاهتمام والرد
بس رايك اوصل لمبلغ اية لو حالتها كويسة
ومعلش يا صاحبى انا ماليش اى خبرة فى السيارات ورايكم هيفدنى جدا بس عايز توضيح اكثر عن السيارة دية علشان اقدر اقرر الشراء ولا لا

رد: ابيزا94 مش هتش باك معروضة عليا وعايز رايكم
 

موتور الكوردوبا اللي نزلت مصر 1400 سي سي مش 1600 موتور الجولف 3

اللي كانت مع حضرتك اللي هي ابيزا سيستم بورش مختلفه اختلاف شديد عن الابيزا او كوردوبا 94 و انا معايا ابيزا من الزيرو و مفهاش مشكلة بيض عصاية الفتيس و الابيزا 94 طرمبة البنزين بتاعتها مش كهربا دي طرمبه عادية و مكانها في الكبوت مثبته في ضهر وش التاكيهات مش في التانك و هتلاقي موضوع هنا في القسم انا عاملو عنها و مصورها و قايل اسعارها

رد: ابيزا94 مش هتش باك معروضة عليا وعايز رايكم
 

الف شكر اخى محمد ابيزا
بس انت لغبطنى دة يعنى العربية اللى فى الصورة دية قرطبة ولا لا علشان هى نفسها المعروضة عليا وهى 1600 سىسى ومطلوب فيها 35000 وعايز اعرف السعر المناسب وقطع غيارها متوفرة ولا لا ورخيصة ولا لا
وسورى انا عارف انى ازعجتكم بس د
ة علشان انا ماعنديش اى خبرة بالسيارات ولكم جزيل الشكر