فين أقرب توكيل سوزوكى للمنصورة لعمل صيانة ال 1000 كيلو ؟؟؟
 

السلام عليكم جميعا

انا اشتريت ماروتى 2010 من حوالى اسبوع و دلوقتى عامل 800 كيلو و عاوز اعمل الصيانه بتاعة ال 1000 كيلو فى التوكيل

انا من المنصوره

اعمله فين فى اقرب مكان ليا ؟؟

انا سألت فى المصريه اللى انا شارى العربيه منها قالولى ميعرفوش هوه فين ؟ !!!

فيه حاجه كمان العربيه مادونيش معاها المانيوال بتاعها هل أعمل مشكله علشانه ولا ملوش لزمه ؟؟

رد: فين أقرب توكيل سوزوكى للمنصورة لعمل صيانة ال 1000 كيلو ؟؟؟
 

هوا لازم المانول علشان ترجعله لو حبيت تعرف اي حاجه عن العربيه انا بحتاجه كتير لكن لو مش موجود ممكن تحمله من النت
بالنسبت للتوكيل فد موضوع لابو نورا فيه كل العناوين الخاصه بالتوكيل اختار اقربهم او اتصل بيهم اسئلهم عن مكان قريب ليك وهما يدلوك
توكيل سوزوكي من هنا

رد: فين أقرب توكيل سوزوكى للمنصورة لعمل صيانة ال 1000 كيلو ؟؟؟
 

الف شكر حبيب الناس على الاهتمام بالرد

لو مرحتش التوكيل و عاوز اغير زيت و فلتر

ايه احسن زيت ممكن استخدمه على طول و أغيره كل اد ايه ؟ ؟؟ و الفلتر اجيبه منين بحيث يكون أصلى و ميعملش مشاكل ؟؟

رد: فين أقرب توكيل سوزوكى للمنصورة لعمل صيانة ال 1000 كيلو ؟؟؟
 

العربيه الماروتي احلي حاجه فيها انك ممكن تحطلها اي زيت بس طالما العربيه لسه جديده خليك في زيت موبيل وان بتاع الـ10000 بالنسبه للفلتر بتباع عند بتوع قطع الغيار وهو معروف قولهم فلتر زيت للماروتي فيه منه اكتر من نوع في تقريبا صيني بحوالي 10 جنيه وفيه سعودي او اماراتي بحوالي 20 وفيه مصري بحوالي 15 وفيه هندي وفيه يباني بحوالي 25 جنيه انا بجيب ابو 20 اللي هوا السعودي او الامارتي هوا الفلتر قصير علشان ضيق مكان التركيب لكنه فلتر زي اي فلتر زيت
طبعا ده اول مره تغير الزيت خليك في زيت ال5000 علشان لما تعمل صيانه ال 5000 تغره بالمره وتحط بعد كده ال 10000
لو الزيت ده غالي عليك هات زيت شل الجركن الاصفر بحوالي 110هما بيقولو 8000 وانا بغيره علي حسب الظروف انا مره غيرته بعد ال8000 وكان كويس محلش وكمان الزيت ده بالنسبه للماروتي احسن من اموبيل لان اللزوجه فيه عاليه وده بيخلي صوت الماتور ناعم وواطي