مصر موتورز مجتمع السيارات

يا جماعة أنا اليوم أول مرة أسوق الماتركس 2001 طلعت بيها شوية ولفيت حبة صغيرين. كله كان تمام ولكن فى مشكلة عاوز مساعدتكم فيها...

أولا لما أشتريت العربية من أسبوعين كنت لما أحط المفتاح فى العربية تروح كل اللمبات منورة علشان العربية تعمل فحص لنفسها على ( Air bag - ABS - TCS - البطارية - الزيت - وفرامل اليد - لو فى باب مفتوح ) كل هذا بيطفى بعد ثانية أو إثنين وأروح أنا بعدها مدور الماتور. متعود أنى أعمل الحركة دى يعنى أسيب العربية تعمل فحص لنفسها وتنطفأ كل اللمبات قبل تدوير الماتور.

المهم الأسبوع اللى فات رحت مغير ماء الريدياتير بمياة خضراء بدل الماية العادية اللى كان التاجر حاططها فيها. ودورتها على الواقف لمدة 3 دقائق وبعدين سبتها 4 أيام. وفى اليوم الرابع حطيت المفتاح كالعادة ووجدت فى لمبتين منورين ومش بيطفوا ( لمبة البطارية ولمبة زيت الماتور) قلت يمكن علشان بقلنا 4 أيام مش شغلنا العربية. رحت مدور العربية وسبتها 5 دقائق دائرة فى مكانها على السلنسية بدوم ما أضغط على البنزين. واليوم بعد 3 أيام من الوقفه رحت قلت أمشى بيها مش مجرد أدورها يمكن لما تجرى شوية المشكلة تنحل. مشيت بيها حوالى 2 كيلوا. ورجعت ووقفت وسكيت الماتور وحطيطت المفتاح ووجدت لسة لمبة البطارية ولمبة وزيت الماتور برضوا مولعين قبل تشغيل الماتور والمرة دى كمان لمبة Check مولعة جانبهم ومش بتطفى زى ما تكون العربية بتفحص نفسها بس مش عارفه هى البطارية أو زيت الماتور حالته ايه. حاولت كذا مرة وفى كل مرة لمبة البطارية وزيت الماتور ولمبة check برضوا منورين مش بيطفوا.

طبعا كل المبات بتاع البطارية والزيت و Check بتطفا بمجرد ما أدور الماتور. يعنى المشكلة فى الفترة لما بنور العربية علشان تعمل فحص...

للعلم البطارية جافة يعنى مش بيتحطلها ماية.وأننا مش غيرت البطارية وهى دى البطارية اللى جاءت من العربية من كوريا. كمان الزيت لقيت العلامة على عمورد الزيت بين M - f يعنى مستوى الزيت متوسط. ومش غيرت الزيت لما أشتريت العربية لأن لقيت لونة زى عسلى فاتح فقلت لازم التاجر مغيرة.

كمان لاحظت إن البطارية كلت بنزين كتير فى المشوار ده. يعنى قبل ما اطلع 2 كيلوا دو الكمبيوتر كان قايل لى إن البنزين اللى فى التانك يعمل 130 كيلوا وبعد ما رجعت من مشى 2 كيلوا لقيت الكمبيوتر بيقول إن البنزين يعمل 97 كيلوا بس. أنا كنت ماشى على سرعة بين 20 - 40 وأغلب الوقت على فتيس الثانى أو الأول...

أرجو قراءة هذه المشكلة جيدا ومستعد للإجابة على أى تساؤل