ارجو مساعده زميل جديد محبط
 

السلام عليكم

فى الحقيقة انا جديد فى موضوع الموتوسيكلات ... انا بعرف اسوق عربية بس كنت حابب طول عمرى اركب موتوسيكل مش عربية .. انا اشتريت هوندا 250 من كام يوم واول مره سوقتها حسيت انها صعبه مشيت بيها شارع طويل بس وبعد كده حسيت انى مش بلحق احرك بكرة البنزين وبتجرى جدا جدا
---
امبارح جيت اجربها وقعت بيها
انا يأست يا ترى دا طبيعى فى اول مره اسوق موتوسيكلات ولا ابيعها واجيب عربية ؟
--
مع العلم انى عمرى ما سوقت موتوسيكل قبل كده .. لكن بعرف اسوق عجل

رد: ارجو مساعده زميل جديد محبط
 

بص ياجميل اول حاجه انتا غلطت غلطه كبيره اوي
البايك الياباني عموما مينفعش تتعلم عليه الا لو انتا عندك خلفيه عنه او سوقت سي سي اقل منه شوية
انتا المفروض كنت جبت مكنه صيني حتي لو ب1000 جنيه وتتعلم عليها شهر مثلا وبعدين تركب ال250
بس عادي ولا يهمك وطالما دخلت عالم البايك حاول تستفاد من متعته وجرائته ومغامراته
حاول كل يوم تنزل في ساحه فاضيه وتخلي حد من صحابك الركيبه يعلموك المشي ازاي لحد ماتكسب خبره الطريق
وعن ثقه بعد شهر بالظبط هتلاقي احساس داخلي عندك انك عايز تعلي وتغير وتركب حاجه اعلي
وحاول تركب سلايدر لل250 عشان تحمي الفير او نصيحه من اخ حاول تشيل الفير كله لحد ما تتمكن منها كويس عشان المكنه تفضل بحالتها

رد: ارجو مساعده زميل جديد محبط
 

بالتوفيق جدددددد

رد: ارجو مساعده زميل جديد محبط
 

ربنا معانا ... والله هبيض عشان اشتري موتور ...