رحلة العذاب و الضنا
 

السلام عليكم و رحمة الله و بركاته

الموضوع انني اثناء بحثي عن عربية مستعملة

على موقع كونتاكت لاقيت عربية في حدود امكانياتي الماديه
و كانت اوبل فكترا
1997
اوتوماتك
تكييف و باور و طارة تحكم كاست و اير باج و اي بي اس
مرايات ضم كهربه و سنتر و وحدات رفع
كامله و الكمال لله وحده
لكن
و خلوا بالكم
مية الردياتير بتنزل ع الأرض
و لاحظت انه مية القربه كانت بتخرج من غطاء القربة و كانت سخنه جدآ
في حين انه المشوار بين مكان المقابله و مكان سكن صاحبها كان قريب
دي اول حاجه
ثاني حاجه
انه الموتور مرشح زيت
هوه قال انه عملها جوان وش سلندر من كام شهر و انه الجوان الي بيسرب زيت ده فوق تقريبآ جوان وش التاكيهات ( فوقيه غطاء اسود أعلى حاجه ف الموتور)
و قال انه باقي الزيت عشان نسي مقياس الزيت اليدوي مرة مش محكم الغلق
ثالث حاجه
انه التكييف محتاج يتشحن
المهم
هوه تعهد بعمل كل الأصلاحات اللازمه قبل ما استلم العربيه و بالتحديد قبل ما ادفع فيها مليم
و ده لأني مش بافهم في الأوبل و مش محتاج اني ابتدي التصليح اول ما استلم العربية
السؤال
لو الراجل عمل الي عليه
اشتريها و لا ممكن ترجع المشاكل تاني بعد يومين
مع ملحوظة
انا في تصوري انه الميه ماكنش مصدرها الردياتير
او انا اظن كده
المهم هوه هيعالج المشكله و الله اعلم
اعمل ايه
شوروا عليا يا اهل الفيكترا
اكمل الصفقه و لا بلاش ؟؟
طيب اعرضها على مين يكون شخص امين عشان يطمني عليها
و على فكره هوه ساكن في الحرفيين
نسيت اقولكم العربيه كلها دواخل فبريكه ما عدا
مفصلة الباب الامامي يمين بها لحام من مده واضح للمتفحص المتأني
و إن شاء الله هأرفعها ف البنزي
مستني ردكم
و الله يجازيكم كل خير
و ياريت نصيحة عامة بخصوص شراء الفكترا 1997
و شكرآ

رد: رحلة العذاب و الضنا
 

لا خاب من استشار ولا ندم ما استخار (اسئل ميكانيكى بيفهم فى الاوبل ويكون ثقه ،واستخير المولى عز وجل)

رد: رحلة العذاب و الضنا
 

الموتور مرشح زيت والمية بتخرج من القربة (لما تفتح الغطى تلاقيها "بتبقلل") معناها جوان وش سلندر على حد علمي

بشكل عام افضل شيء انك تاخدها تفحصها في محطة بنزين من الي فيها فحص (احسن واحدة جنب ستي ستارز) وهيدولك تقرير مفصل بكل الي في العربية والموضوع ده هيكلفك 100 جنيه تقريبا

رد: رحلة العذاب و الضنا
 

هوغالبا حوان وش السلندر ضارب
العربيه لازم تستلمها منه شغاله كويس غير كده لا
وطبعا لازم برضه كشف

رد: رحلة العذاب و الضنا
 

شوف احسن موديل للفكترا هو موديل سنة 94 الفتيس العادى مش الاتوماتيك .. ابعد عن الاتوماتيك بعدك عن الجحيم