|
مساعدة بعد اذنكم؟
يا جماعة انا عندي مشكلة هامة؟
انا كنت خدت دورة سولقة من ياجي تسع سنين وكنت عرفت السواقة المبادئ يعني بس من ساعتها ما سوقتش ولا مرة انا دلوقتي مضطر اشتري عربية ولاسباب عديدة ما ينفعش اجيب حاجة اتعلم فيها هاجيب حاجة عالطول غالية وكويسة ان شاء الله ممكن تكون باسات 2009 كدة ودة اللي مخوفني اكتر فانا خايف اوي من موضوع السواقة بس انا ان شاء الله العربية اللي هاجبيها هتكون اوتوماتيك -ستيبترونيك- وناس قالولي اني ابدا الاول انزل بالعربية بالليل متاخر وبالتدريج ابدا انزل بيها بدري لحد معرف اسوق في عز الضهر علما بان انا مش من القاهرة والدنيا عندنا اهدي من القاهرة ؟ هو انا ناوي اروح مدرسة عشر حصص وبعد كدة اجيب العربية واعمل الكلام السابق فاية رايكم في الحل دة؟الكلام دة ينفع وخصوصا العربية اتوماتيك؟ ياريت تفيدوني |
رد: مساعدة بعد اذنكم؟
مدام العربية اتوماتيك يبقى ما اتبقاش غير انك تعرف ابعاد العربية وبس يعنى حتبقى عملية تقدير لحجم عربيتك مش اكتر وبص يمين وشمال قبل ما تحود وربنا يستر طريقنا جميعا وبالتوفيق ان شاء الله
|
رد: مساعدة بعد اذنكم؟
مشكلة السواقة فى مصر أنها تجارب وخبرات, اللى بيسوق من 20 سنه كل نزولة بالعربية بتعلمه حاجات جديدة, وأنا مع الناس اللى قالت لحضرتك أنزل بالليل لأنى أتعلمت السواقة كده, وبعدين أنزل الجمعة بعد الصلاة وسط الناس علشان تتعود على الشوارع, وخطوة خطوة وهتبقى ماشى فى الشارع عادى.
ومدرسة التعليم هيمشوك فى الزحمة, وهتتعلم "أخلاقيات الزحام" وقلبك هيجمد وهتعرف أزاى تمشى فى الشارع مع الميكروباصات وسواقين التاكسى والشباب الروش ومعتقدش أن حضرتك بعدها هتبقى محتاج حاجة غير التعود على أبعاد العربية الجديدة وطريقة قيادتها. والف مبروك على العربية مقدما. |
رد: مساعدة بعد اذنكم؟
يا جماعة بيقول انه مش من القاهرة
يعني يسوق في اي وقت بس لما يشوف نص نقل يخلي باله ويركن لحد اما تعدي لان سواقين النص نقل كلهم عيال صغيرة من غير رخصة ومتهورين وبعد اما يتقن السواقة ينزل القاهرة هيلاقي نفسه بيواجه قواعد جديدة في السواقة مش موجودة في اي بلد في العالم ومن اهمها ارمي نفسك ادام العربيات يكشو منك وانت تعدي وربنا يسترها معانا وميجيلناش السكر بسبب السواقة في القاهرة |
رد: مساعدة بعد اذنكم؟
غلط اول ما تبتدي تسوق تركب عربيه غاليه اوي كده و كمان كبيره و حتتبهدل منك
و بعدين محدش حيقدر يحدد انت عاوز كام حصه غير المدرب اللي بيدربك الموضوع مش بعدد الحصص علي قد ما هو متوقف علي استعدادك |
| الساعة الآن 06:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017