|
إستفسار بخصوص RPM للبومة 2007 رجاء المساعدة ، يوجد صور !
كل سنة و كل أعضاء المنتدى و أمة المسلمين بألف خير و سعادة بمناسبة شهر رمضان المعظم GIFT4U بفضل الله أمتلك ميتشوبيشي لانسر 2007 هاف سبورت كانت ماشية تمام مفيش أي مشاكل و علطول بعمل صيانتها خارج التوكيل وكل حاجة تمام ، فلاحظت بالصدفة رائحة بنزين كريهة من الشكمان خاصة ً عندك التسخين ، فكان معايا قرشين زيادة فلوس كتير فقولت أروح التوكيل اللي بيقولوا عليه (الرواس) و أجربه و أحل المشكلة ديه المهم : روحت فجيه المهندس شرحتله المشكلة قبل ماخلص كلامي قالي يا أستاذ البوابات عايزة تتنظف قلتله كام قالي 100 جنيه قلتله و تمنع ريحة البنزين ديه خالص قاللي أكيد قلتله اتوكل على الله خلص شغله و الشكمان طلع دخان أبيض و منع بعديها بدقائق قاللي فول بنزين 95 بدل 92 مرة واحدة ومعاك ضمان 3000 كم فاوافقت مع العلم أني دوخت عشان ألاقي بنزين 95 بصراحة المشكلة بقى اللي ظهرت هي الـ RPM إتلخبط خالص المفروض إنه يكون 900 لفة فى الدقيقة أو 9 على المؤشر و العربية طول عمرها مظبوطة على كده ، الجديد أن RPM لما بنقل D بقى ينزل جامد بين 1 و 0 تقريباً 2.5 أو 250 لفة YAKHBR و ما يرضاش يطلع تاني حتى لو نقلت على N لازم أزود شوية YAKHBR و بحس برجة فى العربية كأنها عايزة تبطل كما بالصور (مصغرة يمكن تكبيرها بالضغط عليها) فرجعتلهم تاني على المشكلة الجديدة قالولي أمشي شوية حوالي 100 كم و أقرص على العربية شوية مشيت 500 كم و المشكلة زي ماهي مع العلم إن ريحة النزين النيىء لسه موجودة nononono و كهرت اليوم اللي روحت فيه التوكيل و بصراحة ندمت أرجو من الخبراء فى المنتدى المساعدة بارك الله فيكم جميعاً و كل سنة و أنتم طيبيين |
رد: إستفسار بخصوص RPM للبومة 2007 رجاء المساعدة ، يوجد صور !
بص يا سيدى انا هقولك عن تجربه شخصيه
هتروح لميكانيكى بيفهم يكون عنده سكانر ويكشف على الحساسات فى الاول اللى بايظ منها تجيب بداله استيراد وتشوف حساس اسمه الايدل كنترول بيكون راكب فى البوابه هو المسئول عن الار بى ام بيعليه ويوطيه على حسب الحاجة وبعد ما تخلص تنظيف الحساسات وتغير الايدل كنترول تمشى حوالى 40 كيلو جرى وتغير البوجيهات وحط منظف لدورة البنزين وانت بتفول الكنترول ايدل لو طلع باظ او ضعف بيتباع استيراد ب 200 جنيه او مال هتغيره هيعلى الا ربى ام وهيتظبط |
رد: إستفسار بخصوص RPM للبومة 2007 رجاء المساعدة ، يوجد صور !
اقتباس:
مشكور يا أستاذنا على سرعة الرد SLAM أنا لسه جاي من التوكيل دلوقتي بعد خناق و زعيق BOXBOX هما فعلاً في التوكيل كشفوا على العربية بالكمبيوتر و قاللي مظبوطة طلع على الجهاز الموتور 28 وانا مش عارف ديه تخص أيه و قالي الطبيعي من 20 إلى 30 و اللي عندك كده مثالي جداً و اللي فى دماغك ديه أوهام و العربية مظبوطة وبالنسبة لريحة البنزين غير فلتر البنزين و هي تظبط بس أنا مش مقتنع و حاسس بشتغالات المهم انا فكتني منهم : بالنسبة لكلام حضرتك أكشف على الحساسات كلها بس عند مين ألاقي حد يكون السكانر بتاعه مظبوط من غير مشاكل؟ بالنسبة لمنظف دورة البنزين لسه حاطط عبوة أمريكي بـ 60 جنيه من حوالي 2000 كم قالولي بتشتغل 10000 كم و البوجيهات لسه مغيرها من 1000 كم نوعها (BOCHE) ألماني 2 شمعه أغيرهم تاني ولا أعمل أيه مع العلم أنهم نظفوا البوابات عليهم و بالنسبة لريحة البنزين الكريهة لفت انتباهي كلام عامل من هناك عن الشكمان ممكن تكون العلبة فيها رواسب ، أيه رأيك يا باشا في إنتظار رد حضرتك.........! yesyes مشكور و بارك الله فيك على المساعدة |
رد: إستفسار بخصوص RPM للبومة 2007 رجاء المساعدة ، يوجد صور !
اقتباس:
انا حصل معايا ان الار بى ام وصى اوى والعربيه كانت بتبطل نظفوا البوابه لكن الار بى ام كان مش عالى لطبيعته لما غيرت الايدل كنترول اتظبط بس ممكن يكون العيب عندك فى حاجة تانيه المهم فى واحد بيكشف على العربيه بالكمبيوتر فى فيصل اسمه احمد السمان متفرع من شارع العشرين روح شارع العشرين وادخل تانى شارع شمال شارع عمومى كبير والورشه مشهورة هيكشف على العربيه بالجهاز ب 20 جنيه لو طلع حساس بايظ غيره لو مكنش هيصلحها هو وهيظبطها وان شاء الله مش هتتكلف .. لو انت بعيد عن الهرم شوف حد يكون عنده جهاز وهو الكشف بقى من 20 الى 30 جنيه عند اغلب الميكانيكية ... وان شاء الله تبقى بسيطه ومحتاجة زبط وخليه يفك بوجيه لو لاقه اسود ومهبب تبقى الرشاشات باظت وعاوزة تتغير ... جرب وقولنا عملت ايه ولو احتجت حاجة استيراد هاتها من عند واحد اسمه سوسو فى المريوطيه رخيص ونظيف ومعاه ضمان |
رد: إستفسار بخصوص RPM للبومة 2007 رجاء المساعدة ، يوجد صور !
اقتباس:
و الله يا باشا أنا مش عارف أقول لحضرتك أيه أنا تعبتك معايا جداً و زهقتك :o:o:o بالنسبه للبوجيهات أنا فاكك القديم أبيض زي القشطة بس كان فيه واحد منهم محروق شوية أو مصدي من القاعدة بتاعته مع العلم إن السحب مش متأثر و العربية تمام الحمدلله فى الجري ممكن من 0 لـ 100 فى 8 ثواني تقريباً عموماً أنا هحاول أوصل للميكانيكي اللي في الهرم ده مع أنه بعيد أوي عني بس لو الحل عنده يبقى ربنا يسهل إن شاء الله بس مفيش عند حضرتك معلومة تخص ريحة البنزين النيىء ده ايه سببه مشكور أخي الكريم و جعله الله فى ميزان حسناتك |
| الساعة الآن 06:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017