بخصوص مياه تنظيف الزجاج الأمامي
 

السلام عليكم و رحمة الله وبركاتة,

كل سنة و انتم طيبين بمناسبة رمضان :)

انا عاوز اسأل عن المياه اللي بتنظف الزجاج الأمامي اللي بتترش مع المساحات

لاحظت انه أول ما العربية جت كان المياه فيها حاجة زي صابون و كانت بتنظف الزجاج حلو
بس بعض ما عملت الصيانة (الراجل زودها مياه عادية تقريباً) فبقت مش بتنظف اوي

حد يعرف لو ليها سائل معين بيتباع
او ممكن مثلاً ازود شوية سائل صبون علي المياه و انا بزودها؟؟
ولا ازود مياه عادية و خلاص؟
و لكم جزيل الشكر مقدماً :)

رد: بخصوص مياه تنظيف الزجاج الأمامي
 

رد: بخصوص مياه تنظيف الزجاج الأمامي
 

هتلاقى فى السوبر ماركت او فى هايبر عبوة بلاستيك منظف زجاج زى جلانس وهتلاقى انواع تانية ديه تحطها حتى من غير تخفيف وهتديك نتيجة ممتازة

رد: بخصوص مياه تنظيف الزجاج الأمامي
 

بتبقى زى ديه كده بس اللى من غير بخاخ ارخص

http://www.yuco.rs/velike/s_windies.jpg

رد: بخصوص مياه تنظيف الزجاج الأمامي
 

بسم الله
اثبت استعمال المياه العادية في تنظيف زجاج السيارات آليا المحافظة علي موتور ضغط المياة الموجود بقربة المساحات حيث ان استعمال الصابون و المواد الرغوية يساعد علي تآكل التروس الخاصه بالضغط نتيجه للتراكم و احتمالية الجفاف مما يؤدي الي انسداد خراطيم المياه كما انه يؤدي الي تشبع القربة البلاستيكية الخاصه بالمياه بالماده الرغوية و يجعلها اصلب و غيرمرنة و عرضه للشرخ او الكسر خصوصا مع الحرارة المحيطه بها من الموتور
و الله اعلم
م - سامح ليله