فرامل الماتريكس
 

يا جماعه عندى مشكله انا معايا عربيه ماتريكس 2010 عامله 10000 كم لما بضغط على الفرامل جامد شويه على سرعه 60 او 70 مثلا بسمع صوت كأن العجل بيزحف على الارض وبسمع الصوت ده برده فى الملفات

رد: فرامل الماتريكس
 

هل العربية مزودة ب abs؟
هل الصوت بتسمعه فى الملفات سواء يمين او شمال و لا فى ناحية واحدة بس؟

رد: فرامل الماتريكس
 

أعتقد أن العربية ليس بها ABS والدليل على هذا زحف العجل على الأرض. الزحف عادة بيرجع إلى أن العربية جديدة بتكون الفرامل شديدة وبتمسك العجلة قوى عن الدوران....
اللى أنصحك بيه هو الضغط المتقطع على الفرامل لما تكون سايق على سرعة عالية فوق 50 مثلا. وأنا متأكد أن الزحفة دى بتظهر فى بعض الطرق المسفلته اللى فيها تراب شوية لان التراب بيساعد على الزحف. نعومة الطريق ضارة فى الفرملة.

بعض الناس بتغير الكوتش وتجيب كويتش أعرض ( سبورت) لان دة بيزيد الثبات شوية ولكن لن يلغى الزحف نهائياً ولهذا الحل هو الضغط المتقطع على الفرامل ولا تضع رجلك مرة واحدة وبستمرار على الفرملة حتى تقف العربية لان لو السرعة عالية ممكن العربية تنحرف شمال او يمين وخاصة لو بتلف فى ملف....

رد: فرامل الماتريكس
 

العربيه مفيهاش abs والصوت ده بسمعه ناحيه اليمين

رد: فرامل الماتريكس
 

يبقى زى ما قال الاستاذ tham طبيعى بالنسبة للفرامل طالما على سرعة عالية حتعمل كده
اما بالنسبة للدوران ناحية اليمين فقط يئودى لظهور الصوت فلازم تتاكد من ضغط العجل مظبوط و لو مظبوط او ظبطته و الصوت مرحش اتاكد من ظبط الزوايا و طبعا الراجل بتاع الزوايا حيتاكد من سلامة حالة الكاوتش لانه لو فيه مشكلة حيعمل الصوت ده برضه