|
نويت اشترى سياره لانسر 1300 فما رأيكم
السلام عيكم
ان شاء الله ناوى اشترى سياره لانسر اوتوماتيك 1300 موديل 2010 خليجى لانى فى الامارات قريت تقريبا كل الصفحات فى المنتدى من 1 الى 10 مش قادر اقرر ناس بتشكر جدا ومفيش فرق كتير بينها وبين ال 1600 نعم هى اضعف بس مش كتير وناس بتقول بتموت مع التكييف ولو 5 راكب وبطه بلدى مش قادر استقر السياره سعرها تقريبا 34 الف درهم تريبا 50 الف جنيه مصرى ايرباج واحد اوتماتيك سنتر لوك مريات كهرباء وزجاج مفيهاش abs مع انى مش متأكد بس 90% مفيهاش الميزانيه بالنسبالى كده تمام دى امكاناتى المفروض ان جمركها اقل من ال 1600 صح ولا ايه ارجو النصيحه دى اول سياره ليا وخبرتى مش كبيره السياره مش هروح بيها مسافات كتير بس داخل المدينه بس لاا مانع من مشوار كل اسبوع او اتنين من ابو ظبى الى دبى حوالى ساعه وربع على سرعه 140 دى سرعة الطريق ممكن توصل 160 تستحمل ولا لا غالبا بكون لوحدى وشكرا |
رد: نويت اشترى سياره لانسر 1300 فما رأيكم
نسيت اقولكم الفرق بين ال 1300 و ال 1600 حوالى 13 الاف درهم يعنى حوالى 20الف مصرى
لسه غير الجمرك اكيد ال 1600 اكتر هل فرق الكفاءه بالنسبه للسعر اوك ولا لا |
رد: نويت اشترى سياره لانسر 1300 فما رأيكم
بص يا باشا انا معايا لانسر 2004 بتاعت والدي وعامله معانا 145.000 كم و 1300 اوتوماتيك وفعلاً العربية زي الفل و انا سوقت بتاعت صاحبي 2007 ال 1600 الوتوماتيك وهيا اقوى من ال 1300 لكن مش للدرجة الي انتا متخيلها الفرق بسيط ومش هيبان معاك غير مع التكييف وعلى طريق مفتوح غير كدا التنين تقريباً واحد وانا رأيي خليك في 1300 وتوفر الفرق دا لكن هيا كعربية الحمد لله زي الفل انا جبت بيها 185 وكانت زي الفل وسافرت بيها اسكندرية كنا 4 في العربية ومشغل التكيف والعربية بتسحب معايا 140 و 160 وانا الي كل شوية أهدي وبعدين اللانسر طول عمرها 1300 من موديلات الكريستاله لحد الموديل الأخير وعمرنا ما سمعنا ان الموتور ضعيف غير لما ظهرت ال1600 لان الناس بتقارن بينهم ولازم طبعاً لو سقت الاتنين هتحس ان ال 1600 أقوى.
وبالتوفيق في الاختيار ان شاء الله. |
رد: نويت اشترى سياره لانسر 1300 فما رأيكم
حضرتك طبعا في فرق السما و الارض بالنسبه لل1.3 و ال1.6
ال1.6 عفشه رياضيه كامله و دي عالم تاني اما ال1.3 عفشه عاديه هي طريه و بتدي ثبات كويس اه بس مش زي ال1.6 طبعا فرق الاداء بقا سيبك من الي بيقولو فرق صغير فرق السما من الارض بردو انا معايا 1.3 اوتو ايماراتي مكملتش 21 الف كيلو و ببيع العربيه لاني من هوات السرعه العربيه و هي فضيه او معاك 2 بس زي الفل بتجري 10/10 اما لو محمله 5 فمش هتقول لا لكن استهلاك البنزين هيزيد و بردو الااء هيقل اما لو فاتح التكييف و محمل 5 مثلا فالبطه البلدي اسرع منها حتي لو كبست لها زياده هتلاقي الموتور صوته مكتوم اوي بيقول لك ارحمني لكن لو حضرتك بقا مش من هواه الجري و الشد فهي عربيه ملهاش صوت اكن مفيش موتور اصلا و استهلاك بنزين شبه منعدم و انت راكب لانسر بكل مميزاتها لكن لو حضرتك بتحب تجري جامد و تشد العربيه هتكسفك اوي لان اغلب العربيات الي في السوق 1.6 اصلا مش هتقدر تعمل معاهم حاجه |
رد: نويت اشترى سياره لانسر 1300 فما رأيكم
اهلا و سهلا بيك في مصر موتورزاستاذ فتحي
بالنسبه لل 1300 حتستحمل محدش قال مش حتستحمل لكن زي ما ميمو و ميدو وضحوا فيه فرق بين الاتنين و خلي بالك ان فرق ال 20 الف جنيه دول حتاخد موتور اقوي و عفشه اقوي و abs و كمان ايرباج زياده علي ما اعتقد يعني الفرق يستاهل . لو الفلوس مش حتزنقك هات ال 1600 اما لو انت مستخسر المبلغ فيها و حاسس ان ال 1300 مكفياك يبقي هات ال 1300 و خلاص. بس قولي انت قاعد فين في ابو ظبي صحيح لاني قعدت في الامارات فتره 4 سنين |
| الساعة الآن 09:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017