مصر موتورز مجتمع السيارات - للي عنده خبرة في الديفل...

صفحة 1 من 3

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- تعديل السيارات العــام (https://www.masrmotors.com/vb/forumdisplay.php?f=5)

- - للي عنده خبرة في الديفل... (https://www.masrmotors.com/vb/showthread.php?t=29914)

abo salem8882

14-07-2010 04:03 PM

للي عنده خبرة في الديفل...

السلام عليكم
انا علبة الشكمان عندي فنشت و قولت بدل ما جيب علبة عادية اركب ديفل ,,
بس مش صوت الدبابة المزعج ده
انا عاوز صوت ناعم صووت التربوو
فلو سحتوا حد عنده علم ؟؟؟؟؟؟؟؟؟
عشان انا لفيت التوفيقية كلها على الرفيع الناعم ده كله يقولي ده اللي عندي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

Injection

14-07-2010 09:01 PM

رد: للي عنده خبرة في الديفل...

غالبا هما بينصبوا على حضرتك, لأن المنافسه جامدة وكله عايز يبيع.
والمشكلة أنك لو ركبت واحدة وصوتها معجبكش, مش هتقول للراجل رجعهالى.
وصوت التربو ما ينفعش يطلع من موتور عادى, الصوت اللى أنت قصدك عليه هو(وووووووو)

على العموم, لو لسه هتجيب خلى بالك من حجم العلبة, لأنها لو كبيرة هتعمل صوت دربكة ومش هتعجبك.
وممكن تخلى الراجل يسمعك صوت العلب اللى عنده بعد أما يقطع القديمة.
وفيه نوعين من العلب, نوع بيعمل صوت بيز متواصل وهو ده اللى أنت عايزه, ونوع "بينعر" وده مقرف علشان صوته عالى ورزل وماينفعش فى السفريات.

abo salem8882

14-07-2010 10:52 PM

رد: للي عنده خبرة في الديفل...

تمام جدا يا استاذنا
بس احي اتأكد .. هل ااصوت اللي ف بالي ده يطلع من العلبة الصغيرة دي ؟؟؟؟

Injection

14-07-2010 11:52 PM

رد: للي عنده خبرة في الديفل...

ماهى المشكلة أن محدش يعرف غير الراجل اللى بيركب, وكمان الصوت بيختلف على حسب سعة الموتور, والعلب الكبيرة بتعمل صوت دربكة جامد, والعلب الصغيرة بتزود الضغط فى نظام العادم , فعلشان كده قلت لحضرتك تحاول تخلى الراجل يجربها من غير لحام.
أنا معايا واحدة مصرى ركبتها فى الحلمية, شكلها مش قوى, بس بتطلع صوت بيز رهيب وبتنعر عند 5000 لفة, فعجبتنى جدا وجت من حظى, بس فيه الأحسن وفيه حاجات أندونيسى وصينى وأمريكى كمان, وتصميم العلبة من جوه بيفرق, فى علب فاضية وبتطلع كل الأصوات مع بعض, وعلب تانية بتعزل البيز وتطلع التريبل فيطلع صوت قريب من عربات الفورملا وان مثلا وهكذا.

abo salem8882

15-07-2010 12:12 AM

رد: للي عنده خبرة في الديفل...

الف شكر تاني و تالت
والصنايعي بتاعي قالي ان انا جيب علبة صغيرة و هوا يسيب العلبة اللي قدام فا الصوت يطلع ناعم
بس انا مقلق عشان دي مش بترجع وانا ناوي ان شاء الله اجيب حاجة استنليس اقل حاجة سألت عليها قالي ب 220
و الاسعار على فكرة رفعت
فياريت لو اي معلومات عن سعر الديفل النهاردة عشان اتوكل على الله و خلاص بقى

الساعة الآن 04:52 PM.

صفحة 1 من 3

عرض 7 مشاركات من هذا الموضوع لكل صفحة