مصر موتورز مجتمع السيارات - نويت الشراء واحناج مساعدتكم ضروري

اقتباس:

المشاركة الأصلية كتبت بواسطة joso (المشاركة 209394)

الاخوزه الكرام انا نويت ان شاء الله اشتري اللوجان كامله ومحتاج استلمها يوم 5 / 9 تم شاء الله علشان اسافر بيها باذن الله بس مختاج منكم المساعده في النقاط التاليه بس ياريت يكون بالتفصيل

اولا انا هشتري بنظام المرابحه الاسلاميه من خلال البنك الاهلي المصري فرع المعاملات الاسلاميه وده بيكون بنظام ان البنك يدخل معاك تاجر يشتري كاش ويبيع بالتقسيط ليك بمعدل ربح او فائده 6.8% ومش بيكون في حظر على السياره واطول مده بتكون 7 سنوات ( المعلومات تفصيليه لعموم الفائده ).

استفساراتي بقى
1- هل اقوم بطلب الشراء من التوكيل فقط ام هناك موزعين موثوق فيهم زي مثلا محمد زكي او سمير ريان
ياريت تفيدوني وكمان ياريت تفيدوني ايه اللي لازم اخد بالي منه عند الشراء خثوث ا من الموزعين .

2- هل موديلات 2011 اقترب نزولها فانتظر لغاية شهر 10 او 11 والا اتوكل على الله وربنا يكرم ومش هيكون في تغيير في الشكل.

3- انا عايز ترشحولي من واقع التجربه والمعلومه المؤكده شركة تامين تكافلي تامين تكافلي فقط.

الاخوزه الكرام انا نويت ان شاء الله اشتري اللوجان كامله
اولا الف مبروك مقدما وربنا يديك خيرها ويكفيك شرها
اولا انا هشتري بنظام المرابحه الاسلاميه من خلال البنك الاهلي المصري فرع المعاملات الاسلاميه وده بيكون بنظام ان البنك يدخل معاك تاجر يشتري كاش ويبيع بالتقسيط ليك بمعدل ربح او فائده 6.8%
ياريت تتاكد من موضوع حظر البيع دا

1- هل اقوم بطلب الشراء من التوكيل فقط ام هناك موزعين موثوق فيهم زي مثلا محمد زكي او سمير ريان
الوكيل ممكن تلاقيه اغلى من الموزع على الاقل 2000 ج وممكن كمان ماتستلمش العربقية علطول لو مش متوفره عندهم .. وبعدين لو الموزع اللى انت شارى منه موثوق فيثه خلاص اتوكل على الله ... زى ابو غالى ومحمد زكى وسمير ريان وفيه كمان معرض انا اخدت عربيتى منه لو حابب اوديك ليه ناس محترمه جدا ومش بتسيبك لغايه ما كمان ترخص العربية ( بتبعت مندوب معاك من المعرض )
اما اللى انت محتاج تشيك عليه هو جواب المرور وعدة العربية كوريك وصليبه ومفك ومفتاح والاستبن والدواسات والولاعه واستلم العربية كويس وياريت تكون بالنهار علشان لو فيه اى حكه فى العربية من بره وشغل كل انوارك واستلمها

2- هل موديلات 2011 اقترب نزولها فانتظر لغاية شهر 10 او 11 والا اتوكل على الله وربنا يكرم ومش هيكون في تغيير في الشكل.
معتقدش ان هيبقى فيه تغيير فى الشكل .. موديل العربية لسه جديد
3- انا عايز ترشحولي من واقع التجربه والمعلومه المؤكده شركة تامين تكافلي تامين تكافلي فقط
اعتقد ان اكتر واحد ممكن يفيدك فى الموضوع دا هو أ/ سيف الدين