من الدائري المرج الي مدينه ملوي بالمنيا
 

رد: من الدائري المرج الي مدينه ملوي بالمنيا
 

هو انت حتمسك الدائري باتجاه الهرم لحد نهايته و تنزل منه و تسأل هناك حتلاقي طريق الصعيد جنبك
بس للاسف مش فاكر فين بالضبط

رد: من الدائري المرج الي مدينه ملوي بالمنيا
 

السلام عليكم
هتمسك الدائرى لحد اخره اتجاه الهرم زى ما قال اخى حازم خضر وتسال على نادى الرمايه اول ماتوصل عند نادى الرمايه كدا انتا على اول الصحراوى وتنزل وعلى الطريق بعد المنيا هتلاقى ابو قرقاص وبعديها ملوى وشكرا

رد: من الدائري المرج الي مدينه ملوي بالمنيا
 

تسلم يا لوفر
انا كده كمان عرفت الطريق:)

رد: من الدائري المرج الي مدينه ملوي بالمنيا
 

فيه 4 طرق توديك للصعيد ..

رقم واحد : طريق الجيش او ما يعرف بالطريق الكريمات .. ده بدايته من حلوان و بتمسك صحراوي شرقي و ده 3 حارات رايح و 3 حارات جاي و السرعه القصوي عليه 120 .. ده شغال دلوقتي لحد بني سويف فقط و بتدخل بني سويف تمسك الطريق الزراعي و تكمل .
رقم اتنين : طريق حصراوي شرقي تاني بتاع البلاد بدايته من حلوان برضه و ده تحت اي ظرف ماتشيش عليه لو حتي الدنيا هاتخرب .. ده انا اخدته مره من بني سويف لحد حلوان في حوالي ساعتين و شويه (علماً بان بني سويف تبعد 130 كم عن القاهره.. ساعه باوسخ عربيه تجيبها ..) الطريق كله مطبات و بلاد و مواشي و زراعه و و و ..
رقم تلاته : الطريق الزراعي و ده طريق كويس بدايته المنيب .. مش كويس قوي لو هتسافر بالليل و الضغط عليه بيبقي جامد لان ده اقصر طريق بين البلاد و بعضها.
رقم اربعه : ده طريق الصحراوي الغربي الذي تم ذكره سابقاً و ده لو معاك نور ضعيف ماتمشيش عليه بالليل, ده بدايته من نادي الرمايه.

تحياتي
واحد ساكن في بني سويف