مصر موتورز مجتمع السيارات - هل ده طبيعى عشان انا حديث القياده

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - هل ده طبيعى عشان انا حديث القياده (https://www.masrmotors.com/vb/showthread.php?t=27849)

هل ده طبيعى عشان انا حديث القياده

السلام عليكم

يا جماعه انا اولا لسه اول سنه ليا سواقه والحمد لله بقيت بمشى بالعربيه عادى و مفيش حد بيضايق منى فى الطريق و بمرور الوقت مبقاش فى رهبه من العربيه
بس انا ملاحظ حاجه انى لما بسوق وانا مشغل الكاسيت بحس انى مشدود و متوتر و لازم اوطى الصوت اوى او اطفيه
وكمان ساعات لما بقفل الزجاج بكون برده مش مرتاح "يمكن عشان المرايات عندى مش حلوه ولازم كل شويه اعدلها "
بس هوا انا بحس انى بيهمنى وانا ماشى اكون مشغل حاسه السمع و سامع صوت العربيات اللى حوليا وبكون مركز اوى و عشان كده لما بقفل الزجاج او بشغل الكاسيت بحس انى مشدود و متوتر
ياريت الاعضاء الخبره تقولى هل الاعراض دى عشان انا لسه اول سنه سواقه
وياترى اعمل ايه عشان اتغلب على الحكايه دى وابقى ماشى مشغل الكاسيت زى طافيه و فاتح الزجاج زى قافله

رد: هل ده طبيعى عشان انا حديث القياده

طبعا عادى خالص ودة يرجع لعوامل نفسية مالهاش علاقة بجديد وقديم بس حضرتك حاول خد الامور بسلاسة وبساطة وطبعا سلوك حضرتك رائع وهى انك يقظ وواعى طبعا لازم تكون مركز وانت تقود وتاخد بالك من حركة السير حولك ربما خلفك سيارة اسعاف او عسكرى بيصفر علشان تتوقف او ربما احد ينبهك لانة يريد التجاوز الخ وهذا امر جيد ولكن لا ترفع درجة تركيزك لانة ربما يسبب لك الاجهاد وبذل مجهود عال يفقدك مهارات تركيزك

رد: هل ده طبيعى عشان انا حديث القياده

على فكرة انا كمان كده
لما بكون انا اللى سايق مابعرفش اعلى الكاسيت زى ما بكون انا راكب جمب السواق
وانا سايق بفضل اتخانق مع اللى جمبى علشان بيعلى الكاسيت وانا بوطيه

رد: هل ده طبيعى عشان انا حديث القياده

اقتباس:

المشاركة الأصلية كتبت بواسطة mido-spicy (المشاركة 197542)

سلوك حضارى رائع وان دل فيدل على تحمل المسوؤلية بكل احترام

رد: هل ده طبيعى عشان انا حديث القياده

طبعا عادي انا اول مره سوقت كان الكاسيت عالي وجريت بالعربيه جامد ولاقتها بتشد حلو لاقيت نفسي بعيد عن العربياتخوفت روحت واقف في نص الشارع