ناوي على سويفت ان شاء الله بس فيه مشكلة صغيرة
 

رد: ناوي على سويفت ان شاء الله بس فيه مشكلة صغيرة
 

والله يا باشا اسمع كلامى انا بقى

انا كان معايا سيات ابيزا و شبابى و جامدة جداااا ،،، بس طلعت عيييييييينى قطع غيااارها ناااااااار و قليلة شوية قرفتنى بصراحة و اقل حاجة فيها بالشئ الفولانى و فعلا نصحونى قبل ما اجيبها ماشتريش المانى مستعمل . و الحمد لله بيعتها


المهم بقى انا دخلت شوفت موضوع هنا عن قطع غير سزوكى سويفت و اسعارها و لما شوفتهم اتشجعت جدا جدا جدا و اتحمست فعلا للسزوكى سويفت

بس عيبها انها عربية ضعيفة شوية من حيث الصااج و العفشة

انما بقى موضوع شبابى دا فهى زى الاكسيل بالظبط و شوية ستيكرات على سبويلر على تجنيط و طقم صوت هتبقى احسن من ميت ابيزاا .

بس اسال كويس على ضعفها من حيث الصاج و العفشة دا الى مخوفنى منها و بيضرب فيها بارومة بسرعة

رد: ناوي على سويفت ان شاء الله بس فيه مشكلة صغيرة
 

السويفت معايا بقالها سنة فابريكا برا وجوا والحمد لله مفيش بارومة وبجيب بيها لحد 160 واظن ممكن تجيب اكتر مش عارف
وموفرة جدا
وانا مفيم ومجنط واستيكرات خفيفة وعدة صوت وما شاء الله بقت شبابي يعني وبالنسبة للعفشة شدها كلها مرة واحدةو وانساها والصاج عادي زي الاكسيل والاكسنت ومعظم العربيات الي في فئتها السعرية مش ضعيف ولا قوي كويس يعني وثابته جدا على الططريق لانها واطية

رد: ناوي على سويفت ان شاء الله بس فيه مشكلة صغيرة
 

السويفت عربيه في المجمل معقوله
شرط الحاله الممتازه

رد: ناوي على سويفت ان شاء الله بس فيه مشكلة صغيرة
 

توكل على الله وهاتها وبعدين اى عربيه تشفها معمول منها تاكس تاكد ان قطع غيارها موجود كتير ورخيصه
عمرك شفت سيات ابيزا معموله تاكس... لكن هتلاقى سويفت معموله تاكس كتير فى القاهره وده دليل على انها عربيه قويه مش ضعيف وقطع غيارها موجوده