|
اقذر مرور فى العالم فى مصر.... اقذر مرور......
المرور بقى كلة رشوة وقرف كل الوحدات مرور الوايلى ومرور حدايق القبة ومرور عبود وكلة كلة زى الزفت والقرف الله يخرب بيت الموظفين اللى شغالين ولاد لذين حرمية ..........
مش ممكن يا جماعة علشان ارخص العربية ال127 اللى بعتها مرخص بالف و200 جنيه حرام حرام....... انا دافع 180 رشاوى .... اروح على الشباك ....اديهم الورق يرموه جنبهم....تديلوة 15 جنيه الورق يطير فوريرة....وكمان الموظفة تقولى ايه بقمة البجاحة والعين القوية (الجو حر عايزة كانزاية .....)واللى جنبيها يقولك واحنا كمان ولاهى احسن مننا....) تروح على النيابة تدفعلك 400 جنيه مخالفات فى اماكن عمرى مارحتها اصلا ..... تروح على الفحص ادفع 20 جنيه للمهندس يقولى رقم اللشاسية مش باين تديلة 30 يقولك مش باين تديلة 40 يقولك مش باين 50 يقولك ماشى اهو بان وظهر اهوة اللى ياخد بصمة الموتور ياخد عشراية واللى يديلك الرخصة الجديدة خمساية واللى يركب النمر عشراية .... وهلم جرا ....وحاجات كتيييييييير....... دة حاجة قرف قرف قرف ....دة انا مشترى بتاع 5 علب كانز لموظفين غير الرشوة..... منهم لله هما واللى سيبينهم يعملو فينا كدة....منهم لله منك لله يابلد ومنك لله يا حكومة اما شاب زى مرتبة كلة مابيكملش 600 جنيه ادفعلى فى يوم واحد رشاوى وحبة هبل كدة فى الارض منكم لله ..... |
رد: اقذر مرور فى العالم فى مصر.... اقذر مرور......
احلي حاجه في الموضوع ده الموظف اللي بيقولك رقم الشاسيه مش باين هههههههههههههههههههههه
وبعدين مش انتا داخل باسم انا الاسطور يبقي تستحمل اللي يجرالك ويبقي انتا اكيد في مصر يا معلم وبعدين ما انا عندك اهو روحت لقيت عليا مخالفة سير عكس اتجاه وطلعت مش بتاعتي ومعرفتش غير بعد ما دفعت ال 1000 جنيه غرامه وكله عند العرب صابون يا عم الاسطورة |
رد: اقذر مرور فى العالم فى مصر.... اقذر مرور......
دة انت كدة بتتدلع تعال يا باشا وشوف مرور فيصل ولو مؤخذة فى الكلمة وسختة والرشاوى وفضايح الخ
اسمع القصة دى من واقع حقيقى لصديق ليا صديق ليا راح يرخص عربية زيرو فى فيصل وكان مسافر بعدها بيوم واظن كمان تانى يوم كان اجازة وصديقى كان شارى دماغة ومش مهم عندة الفلوس راح المرور متاخر جدا اظن تقريبا المفروض انة يكون قفل راح قابل على الباب واحد مسجل خطر رد سجون بيشتغل مع المرور بيخلص من الاخر ومش يعرفة راح صديقى راح غامر وادة الورق والعربية والبطاقة وكل الاوراق وميعرفش حيرجع تانى ويمكن ما يرجعش بس يومها طلبت معاه مغامرة وغباوة راح سلمة كل شىء ومعاها اظن 200 جنية خلص كل حاجة وهو على قاعد على القهوة والله مية مية يا سمعة دة اللى يعرف يسلك فى مصر وفعلا الطيور على اشكالها تقع والولد مسجل خطر دة هو وطبعا بعض رجال وموظفين المرور وجهان لعمله واحدة طبعا الا ما عفا الله لان لسة فى بعض الشرفاء والمحترمين لكنهم قله وربنا على المفترى واللى كان السبب |
رد: اقذر مرور فى العالم فى مصر.... اقذر مرور......
بصراحة عندنا المرور مش كده أبدا صحيح إنهم بيقفوا على أى صغيرة لكن مفيش رشاوى ولا حاجة
|
رد: اقذر مرور فى العالم فى مصر.... اقذر مرور......
طب احمد ربنا انك بتعرف توصل للشباك
لما تنزل اسكندرية ابقى عدى على مرور العجمى لوشوفت الشباك بعنيك ابقى قابلنى دة غير الرشاوى |
| الساعة الآن 05:24 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017