|
عاجل يا جماعة السيارة مابتدورش
السلام عليكم ورحمة الله وبركاتة
عندي مشكلة يا شباب ومحتاج اعرف اسبابها المشكلة عندي ان العربية احيانا مابتدورش ...بأسمع صوت تكة بسيطة كل لما اجي ادورها وتسكت. اللي محيرني اكتر اني حاولت ادورها تاني بعدها بنص ساعة رجعت درات بشكل عادي واستمرت اسبوعين بدون مشاكل بس رجعت تاني ماتدورش بنفس الاسلوب..و تاني يوم جربت رجعت اشتغلت ؟!!! يا تري اية سبب المشكلة دي وازاي اقدر احلها؟ |
رد: عاجل يا جماعة السيارة مابتدورش
جرب الكلاكس ! لو لقيت صوته أقل من الطبيعى ! تبقى البطاريه مهربه شحن وعايزه شحن أو تتغير !
لو صوت الكلاكس كويس ! تبقى البطاريه سليمه ! ويبقى المارش به عيب ! وهوه حاجه من اثنين ! 1- اما ان ترس البندكس بتاع المارش عايز يتغير ( مش المارش كله ) ! وبالمره غير الفحمتين ! 2- أو كابل الكهرباء التخين الواصل من البطاريه للمارش عايز يتربط كويس ( تحرق عليه ) ! بس علشان تعمل كده ! فك كابل من البطاريه الآول علشان ما يعملش شرز ويولع العربيه ! ولو ما معاكش فلوس دلوقت وكان الترس هوه السبب ! ادى العربيه النقله التانيه واطفى الموتور ! وانزل من العربيه وهزها للآمام والخلف لغاية ما تحس ان انها تحركت وهى معشقه ولو قدم واحد ! ثم اركب السياره و مور و دور و توكل على الله ( ح تدور على طول ) ! وابقى ادعى لى ! Dr. Bolbolan ptmnlo123per122 |
رد: عاجل يا جماعة السيارة مابتدورش
الف شكر يا دكتور علي اهتمامك وردك السريع
مأ ظنش البطارية اللي فيها المشكلة لأنها لسة جديدة والكلاكس صوتة كويس انا ميال اكتر لرأي حضرتك بالنسبة للمارش ptmnlo123per144 واتمني يا دكتور ان حضرتك تجاوبني علي الاسئلة دي لاني معلوماتي في العربيات تحت المبتدئين بشوية 1-هل ترس البندكس هو ما يسمي باتوماتيك المارش ؟ 2-عندما تكون المشكلة في المارش... ممكن العربية تشتغل عادي وتحصل المشكلة كل فترة زي مابيحصل معايا؟ 3-.اية هما الفحمتين اللي حضرتك بتفضل اني اغيرهم وهل ليهم علاقة بالمارش ؟ |
رد: عاجل يا جماعة السيارة مابتدورش
اقتباس:
الاجابه فى الاقتباس وأرجوا أن أكون أفدتك ! Dr. Bolbolan ptmnlo123per122 |
رد: عاجل يا جماعة السيارة مابتدورش
استاذ و رئيس قسم يا دكتورptmnlo123per122
العيب مارش بس انا في رأيي ارمي الاوتوماتيك و حط واحد غيره نضيف احسن و ريح دماغك عشان طالما اتلعب فيه خلاص مش هيعيش كتير بعد كده و ده عن تجربه هات اوتوماتيك مارش نضيف و ركبه و ان شاء الله هترجع تمام |
| الساعة الآن 12:45 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017