|
استفسار غريب من نوعو للريهنويه
:waving: السلام عاليكم يا رينهاويهptmnlo123per14 قررت ابقا رينهاوى منفرد زيكو وانضم ليكو عما قريب بس الواحد متحير عاوز اجيب عربيه رينو 19 او رينبمو موديل 99-2000 بس مش عارف انهى انسب طبعا من كاذا اتجاه ثابتها على الطريق السفر كتير قطع غيارها (لما لفيت شوفت على المنتدى لاقيت القطع الغيار شبه بعض ) السحب على الطريق ( فاهمين طبعا يا شباب ) المتور انهى افضل ( تعديل بقا والشغل دا ) وطبعا نيجى بقا لاخر حاجه الشكل والاتنين شبه بعض بس انهى احلى بردو فاهمين بقا من الاخر بقا ادونى الخلاصه وصاحبكم رينهاوى قديم كان معايا رينو 11 86 بس طبعا مش بتاعتى بس كانت تحت ايدى عاوزين ننفرد بقا ptmnlo123per111 طبعا مش فاهمين حاجه ولا انا بس اللى فهم يفدنى :thinkW19::CONGRA~238: |
رد: استفسار غريب من نوعو للريهنويه
اقتباس:
ودى كان بينزلها مواتير كتير من اول 1200 كاربراتير لغايه 1800 مالتى بوينت انجيكشن وده قوته 138 حصان وفيه مواتير ديزل توربو من اول 1600 ل1900 وده سنجل بوينت انجيكشن وقوته 112 حصان الكفائه ال19 افضل لانها فرنساوى قلبا وقالبا تقفيل فرنسا لكن الرينبو متختلفش كتير عنها الثبات على الطريق الاتنين نفس العفشه ونفس نظام التعليق لو العفشه مضبوطه هتلاقى العربيه ثباتها ممتع قطع الغيار لو للمواتير بتاعت ال19 هتكون اغلى من الاسعار اللى مكتوبه دى لانها لآشهر موتور وهو الموتور الاينرجى ال1400 لكن غير كده هتلاقى الاسعار اغلى ومش بنفس التوفر وممكن تلاقى نفسك بتجيب حاجات كتير استيراد للمواتير ال1700 وال1800 لكن قطع الغيار الخارجيه واحدمع الاختلاف فى الاكصدامات السحب طبعا الموتور الاينرجى افضل لانه 1400 79 حصان وموتور الرينبو مش فاكر الكود بتاعه ايه بصراحه بس ممكن اجيبهولك لو تحب 1300 68 حصان وده بيفرق فى السحب لو انت بتحب تجرى موضوع الشكل الاتنين واحد واللى شكلها يعجبك اكتر ممكن تعدل التانيه ليه لان الاختلافات فى الشكل بسيطه جدا جدا(الاكصدامات والغمازات فى الجنبين والساعه عقارب فى ال19 ورقميه فى الرينبو العدادات فيه عداد زيت فى ال19 ومفيش عداد زيت فى الرينبو وهى دى الفروق الشكليه على ما اتذكر دلوقتى)يعنى مفيش حاجه متتعدلش فيها وهى دى الخلاصه من وجهه نظرى وربنا يوفقك يا باشا وانت مش لسه هتنضم لعصابه الرينو انت واحد من العصابه |
رد: استفسار غريب من نوعو للريهنويه
ربنا يخليك يا بوب على اهتمامك ومن خلال قرايتى فى المنتدى لقيتك متميز وهتفضل متميز وشكرا ليك اوى على الاهتمام
وقريبا هابقا واحد معاكو ودايم ان شا الله بس كان فى سوال تانى بقا صغير انا من لفى فى السوق لقيت ال 19 قليله اوى واللى معاه مش بيرضى يبيع والرينبو ببتاع بس سوقها مش شغال فا تفتكر والاصح طبعا 19 ولا رينبو |
رد: استفسار غريب من نوعو للريهنويه
الله يكرمك يا باشا انا عن نفسى بفضل ال19
بس المشكله انها كانت قليله فى مصر ويعتبر فعلا المتاح هو الرينبو وطلاما مش متاح غير الرينبو يبقى ربنا يكرم وهى عربيه ممتازه ومتقلقش هى تعتبر ال19 بس شالوا منها شويه حاجات |
رد: استفسار غريب من نوعو للريهنويه
ربنا يضمن قلبك بس الحاجت اللى اتشالت اسكسورات ولا متور والشغل التقنى اللى فيها ptmnlo123per1127 انا هاتعبك معايا معلش بس انا عاوز اوصل لافضل اختيار وطبعا نسيت اسال اهم سوال مع انو مش مهم اوى العربيه دى لو حالتها تمام تعمل كام ومتوسط السعر كام |
| الساعة الآن 06:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017