مصر موتورز مجتمع السيارات

مصر موتورز مجتمع السيارات (http://www.masrmotors.com/vb/index.php)
-   الصينى العام (http://www.masrmotors.com/vb/forumdisplay.php?f=42)
-   -   ماهي افضل سياره صيني في السوق المصري الآن (http://www.masrmotors.com/vb/showthread.php?t=24424)

ابو حسام 21-04-2010 04:54 PM

ماهي افضل سياره صيني في السوق المصري الآن
 
الاخوه الاعزاء اعضاء مصر موتورز الرائع عندي سؤال ماهي افضل سياره صيني في السوق المصري الان بحيث لا يتعدي السعر عن خمسه وسبعون الف جنيه مصري ياريت تجوبوني ولكم جزيل الشكر

ramy01011 21-04-2010 05:09 PM

رد: ماهي افضل سياره صيني في السوق المصري الآن
 
F3 BYD اعتقد ان دي احسن واحده و الله اعلم

ابو حسام 21-04-2010 05:22 PM

رد: ماهي افضل سياره صيني في السوق المصري الآن
 
شكرا للاخ ramy 01011 هل يوجد منها تسليم فوري في اي وقت لاني الان بالسعوديه وعند عودتي ان شاء الله سوف اشتري واتمني ان يكون فيه تسليم فوري وهل متوفر الموديل gli وياريت اسماء بعض المعارض المضمونه التي توجد بها هذه السياره وشكرا

منعم الكنج 21-04-2010 05:54 PM

رد: ماهي افضل سياره صيني في السوق المصري الآن
 
بصراحه انا شايف ان اللى معاه قرش ومحيره يجيب عربيه صينى ويضيعه اظن كده رأيى وصل لحضرتك طيب محضرتك ممكن تشترى عربيه يابانى او كورى نضيفه فىحوالى 70او 75 الف جنيه واكيد اكيد احسن من الصينى

ابو حسام 21-04-2010 10:07 PM

رد: ماهي افضل سياره صيني في السوق المصري الآن
 
شكرا للاخ منعم الكنج بس انا شايفك متحامل ليه علي الصيني علي فكره هنا في السعوديه شفت سيارات صيني وبخاصه جاك ملاكي ونقل يعني لو ماكانت كفاءه ما كنت تنزل هنا بجوااحدث السيارات الفارهه الامريكي والياباني انا شايف ان الصيني له مستقبل

abdullah_yousof 21-04-2010 11:22 PM

رد: ماهي افضل سياره صيني في السوق المصري الآن
 
أحسن سيارة صيني تحت 75 ألف
من ناحيةالأمان M11
من ناحية الآمكانيات مقابل السعر مع ضمان الاعتمادية F3 Gli
من ناحية الجمال و الامكانيات مقابل السعر ولكن لم تجرب بعد JAC B15

بدر بسيونى 22-04-2010 08:33 PM

رد: ماهي افضل سياره صيني في السوق المصري الآن
 
اسمحلى انى اتكلم فكرة ووجهة نظر ثانية انا من رائ ان الافضل اللى حتعرف تصلحها لما تعطل وحتلاقى قطع غيارها بسهولة وتكون منتشرة الى حد كبير فوانت بتبيع العربية مش حتكون خسارتك كبيرة وكل الكلام ده بغض النظر عن العربية ذاتها

ahsara 25-04-2010 03:31 AM

رد: ماهي افضل سياره صيني في السوق المصري الآن
 
على فكره يا جماعه عيب ال f3 التوكيل
شركه الأمل مركز الصيانه بتعاها وحش جدا

drift 25-04-2010 04:22 AM

رد: ماهي افضل سياره صيني في السوق المصري الآن
 
ياريت متخرجش عن البي واي دي f3او الجيلي mkسيدان او هاتش باااك لانهم ةقطع غيارهم متوفرة بشكل كبير لاعتمادهم علي التكنولوجيا اليابانية في كل شيء مثلا الجيلي محركها تويوتا مو94 وبيتحمل جدااا وقطع غيارة كتيير واي ميكانيكي بيفهم فيهاا وبالنسبة للعفشة هي نفس عفشة التويوتااا الياريس من مقصات ويايات ومساعدين وطنابير وحتي تيل الفرامل والبي واي دي محركها متسوبيشي ذووو كفاءة عالية بس محرك الجيلي اقوووي وسحبة اعلي وصوتة منخفض لان جيلي فيها نظام تقفيل للمحرك super sielnt مانع للضوضااء وعفشتها كويسة اما البي واي دي تماام وعفشتها اقوي من الجيلي لان الجيلي عيبها ان مقصاتها ضعيفة من الاخر العربيتين زي بعض مش واحدة افضل من التانية الاختلاف هيبقي حسب زووق المستهلك واي معلوماات عن الجيلي انا تحت امرك انا معايا العربية عاملة 60 الف كيلووو

Devill Blood 25-04-2010 05:05 AM

رد: ماهي افضل سياره صيني في السوق المصري الآن
 
سيبك أنت من موضوع الأف-3 ده هو أحنا هانهجص ولا أى أروح أجيب عربية أساسا ليس لها وجود فى السوق وأطلقت من كام شهر ولا يعرف لها مصير والله يبقى أسمه هبل,إذا كنت مصر على الصينى وأنا نبهتك يبقى عليك وعلى اسبيرانز لأنها أقوى فئة صينى فى مصر وكيان لن يختفى فى سنة ولا 2

Devill Blood 25-04-2010 05:07 AM

رد: ماهي افضل سياره صيني في السوق المصري الآن
 
اقتباس:

المشاركة الأصلية كتبت بواسطة drift (المشاركة 170577)
ياريت متخرجش عن البي واي دي f3او الجيلي mkسيدان او هاتش باااك لانهم ةقطع غيارهم متوفرة بشكل كبير لاعتمادهم علي التكنولوجيا اليابانية في كل شيء مثلا الجيلي محركها تويوتا مو94 وبيتحمل جدااا وقطع غيارة كتيير واي ميكانيكي بيفهم فيهاا وبالنسبة للعفشة هي نفس عفشة التويوتااا الياريس من مقصات ويايات ومساعدين وطنابير وحتي تيل الفرامل والبي واي دي محركها متسوبيشي ذووو كفاءة عالية بس محرك الجيلي اقوووي وسحبة اعلي وصوتة منخفض لان جيلي فيها نظام تقفيل للمحرك super sielnt مانع للضوضااء وعفشتها كويسة اما البي واي دي تماام وعفشتها اقوي من الجيلي لان الجيلي عيبها ان مقصاتها ضعيفة من الاخر العربيتين زي بعض مش واحدة افضل من التانية الاختلاف هيبقي حسب زووق المستهلك واي معلوماات عن الجيلي انا تحت امرك انا معايا العربية عاملة 60 الف كيلووو


هو سمك لبن تمر هندى أنا مش فاهم حاجة هى العربية أساسا مركتها أى اللى محركها ميتوبيشى وعفشتها ياريس

حازم شاهين 25-04-2010 02:09 PM

رد: ماهي افضل سياره صيني في السوق المصري الآن
 
اقتباس:

المشاركة الأصلية كتبت بواسطة Devill Blood (المشاركة 170586)
هو سمك لبن تمر هندى أنا مش فاهم حاجة هى العربية أساسا مركتها أى اللى محركها ميتوبيشى وعفشتها ياريس




drift كلامه واضح جدا و هو يقصد إن الجيلى بتعتمد على تكنولوجيا من تويوتا

أما BYD بتعتمد على تكنولوجيا من متسوبيشى


ملحوظة خارج الموضوع

اقتباس:

ه هو أحنا هانهجص

اقتباس:

يبقى أسمه هبل
اقتباس:

هو سمك لبن تمر هندى
يا ريت نحسن من مستوى الحوار علشان فيه ناس ممكن تتضايق من الأسلوب ده


Ahlsonah 25-04-2010 02:22 PM

رد: ماهي افضل سياره صيني في السوق المصري الآن
 
اقتباس:

المشاركة الأصلية كتبت بواسطة حازم شاهين (المشاركة 170758)

ملحوظة خارج الموضوع








يا ريت نحسن من مستوى الحوار علشان فيه ناس ممكن تتضايق من الأسلوب ده

أضم صوتي إليك في ذلك

remonds 25-04-2010 07:08 PM

رد: ماهي افضل سياره صيني في السوق المصري الآن
 
اقتباس:

المشاركة الأصلية كتبت بواسطة Devill Blood (المشاركة 170585)
سيبك أنت من موضوع الأف-3 ده هو أحنا هانهجص ولا أى أروح أجيب عربية أساسا ليس لها وجود فى السوق وأطلقت من كام شهر ولا يعرف لها مصير والله يبقى أسمه هبل,إذا كنت مصر على الصينى وأنا نبهتك يبقى عليك وعلى اسبيرانز لأنها أقوى فئة صينى فى مصر وكيان لن يختفى فى سنة ولا 2


في كثير من الاحيان , تكون الاراء السلبيه مفيدة وتوضح حقائق .... لكن بهذا المستوي ( شيئ غير لائق وغير مقبول بالمرة )

لقد تابعت الكثير من مشاركاتك في كثير من الموضوعات الخاصه بالسيارات الصينيه ... اري ان جميع ارائك عبارة عن هجوم غير موضوعي يفتقد لاي براهين او دلائل وايضا بشكل مستفز .... انت عملت اللي عليك وحظرت المشترين لهذه النوعيه من السيارات , كفايه وسيبهم يقرروا بنفسهم , لان وجهه نظرك مش لازم تكون صحيحه
وشكرا

Devill Blood 25-04-2010 09:15 PM

رد: ماهي افضل سياره صيني في السوق المصري الآن
 
اقتباس:

المشاركة الأصلية كتبت بواسطة remonds (المشاركة 170898)
في كثير من الاحيان , تكون الاراء السلبيه مفيدة وتوضح حقائق .... لكن بهذا المستوي ( شيئ غير لائق وغير مقبول بالمرة )

لقد تابعت الكثير من مشاركاتك في كثير من الموضوعات الخاصه بالسيارات الصينيه ... اري ان جميع ارائك عبارة عن هجوم غير موضوعي يفتقد لاي براهين او دلائل وايضا بشكل مستفز .... انت عملت اللي عليك وحظرت المشترين لهذه النوعيه من السيارات , كفايه وسيبهم يقرروا بنفسهم , لان وجهه نظرك مش لازم تكون صحيحه
وشكرا


والله أنا حر طلاما مجرحتش حد ولا قلت كلمة مستفزة لحد
ثانيا فعلا اللى بيتقال دايما غلط فى غلط
ثانيا لا عيب فى الحوار وكل واحد حر فى رأيه ولكن ليس أن كان الرأى غلط


الساعة الآن 05:41 AM.

Powered by vBulletin® Copyright ©2000 - 2014, Jelsoft Enterprises Ltd.
www.MasrMotors.com ™ Copyright ©2008 - 2014
Egyptian Automotive Community
جميع الاراء والتعليقات الواردة بالموقع تعبر عن آراء أصحابها فقط