مصر موتورز مجتمع السيارات - مساعدة بخصوص عمل رخصة قيادة

من فضلكم أنا عايز أطلع رخصة قيادة شخصية من مرور النزهة ومحتاج اخلص ورقي من فضلكم من غير امتحان ووجع دماغ , لو أي حد يعرف يسعدني أنا ممكن ادفع أي مبلغ بس اروح أعمل شهادة بتنا ونظر واتصور بس ومنغير وجع دماغ أنا سني 18 سنة عندي مشكلة خفيفة في الحركة بسبب حادثة beach buggy 500cc من سنتين في الساحل الشمالي بس الحمدلله بعرف أسوق مية المية ولو دخلت الامتحان هعديه إن شاء الله بس أنا مش عاوز اروح امتحن عشان التخلف اللي بيحصل في المؤسسات الحكومية في التعامل معايا ,مع أي حد زيي في الولايات المتحدة أو اوروبا بيدخلوا الامتحان العادي و يمتحنوا لو معدشالامتحان يتعرضوا على الكومسيون أما هنا بيتعمله مع اللي عنده مشكلة حركية على إنه مش في المجتمع مع العلم أنا مش عاوز أطلع رخصة معاقين لان أنا في كامل صحتي الحمدللة ورخصة المعاقين بتسمح لحد 1600 سي سي واوتوماتيك بس أنا بعرف أسوق مانيوال ولازم عشان أسوق بـرخصة معاقيين لازم أسوق بالايد وأنا بعرف أسوق عادي أحسن من سواقتي بالايد , أرجو إن حد يسعدني لو يعرف حد في المرور

لكم جزيل الشكر وفائق الاحترام