تعليم صيانة السيارات
 

السلام عليكم ورحمة الله وبركاته
اقترح على اخوانى من اعضاء منتدى مصر موتورز العظيم ان ننظم مجموعة من الدورات التعليمية الاتيه:
- ميكانيكا السيارات
- كهرباء السيارات
- دهان السيارات
- سمكرة السيارات
والهدف منها هو تخفيف الاعباء عن كاهل صاحب السيارة مثال بسيط انا لما سئلت عن تكلفة دهان السيارة بتاعى فيات 128 واقصد هنا تكلفة الخامات وايجار فرن الدهان اكتشفت انا التكلفة لا تتعدى 500ج (فى حالة انى حرقت بوية العربية كلها على الصاج) ويطلب منى فنى الدهان 1500ج لدهان عربيتى وطبعا نقيس على باقى التخصصات فارجو من اعضاء المنتدى المتخصص فى احتياجات السيارات ان ننظم دورات تعليمية بتكلفة رمزية وشكرا للجميع

رد: تعليم صيانة السيارات
 

رد: تعليم صيانة السيارات
 

GIFT4Uالاستاد/مسؤل الموقع بعدالتحية برجاء من سيادتكم موافتنا بكيفية تركيب طاقم السيور لسيارة رينو 1200 و1400 ولسيادتكم جزيل الشكر ابراهيم ابراهيم عبدالسلام

رد: تعليم صيانة السيارات
 

جزاكم الله خيرا
العربيه بتغيب فى الدواره وهى بارده وبتحتاج تسخين جامد (اكسيل 1500 اتوماتيك)
انا غيرت البوجيهات مرتين فى اسبوع مره واحد قالى هات 2 شمعه وروحت ليمانيكي تانى قالى هات بوجيهات واحد شمعه هى الافضل والنوعين كانوا ngk الياياانى ودول كانوا من آراء 2 ميكانيكيه مختلفين؟؟؟؟؟؟؟؟؟؟ منهم لله
البطارية عندى ضعيفه امبارح قطعت خالص وقومتها من بطارية تانيه هلى بتتصلح وبتتشحن ولا وجب تغييرها ولا ايه ؟ علما بانها كلوريد سائلة ؟؟؟؟ وتنصحوا اجيبها جافه ولا سائلة وايه افضل نوع وسعره لو سمحتم ؟؟
وهل المارش يجي جديد افضل ولا استيراد واسعاره ايه؟؟
لمبة الزيت عندى بترعش بتظهر وتختفى والعربيه هاديه ولما بدوس بنزين بتختفي مع العلم ان مقياس الزيت مظبوط ولسه مغيره من مسافة 200 كم بس وبستعمل بترومين اكسترا سوبر هل اسو الرصاصي احسن منه ولا استعمل ايه كل الف كم غيار
هل توجد طريقه لاختبار طلمبة الزيت؟؟؟؟
ولكم جزيل الشكر و آسف للاطاله وكل عام وانتم بخير

رد: تعليم صيانة السيارات
 

طيب غيرت الفلتر ولا لا

لأن دى أهم مشكله حاليا

وهى نقص قيمة ضغط الزيت فى دايرة التزييت

مفيش شك

الجديد .........جديد وأفضل

بس غالى جدا عن الأستيراد

أى مارش جديد .....ممكن يعدى معاك 1500 ج

وأى مارش أستيراد ..........بكتيره 300 ج

فماهى شكواك من مارش السياره الحالى

لدرجة أنك بتفكر فى تغييره

متقدرش تحكم على سبب غياب الدواره حاليا

إلا بعد تغيير البطاريه

هاتلك واحده جافه

أرشح لك AC DELCO

أو فارتا الألمانى ( حسب المتاح أمامك )

وبالنسبه للبوجيهات

يجب الألتزام بالنوع المخصص لطراز محرك سيارتك