|
مشكله فى ناقل الحركه
بسم الله الرحمن الرحيم النهارده وانا ماشى بالعربيه عادى جدا..فجاءه لقيت الفتيس مش راضى ينقل خالص ولا يتحرك من مكانه على الرغم من ان الدبرياج شغال ذى الفل..بطلت العربيه وبنقل لقيت النقل شغال وتمام التمام ..قلت ادوس دبرياج وادور سمعت اصوات غريبه بتحصل وذى مايكون فيها رزع جامد فى قلب الموتور ..والصراحه مش عارف اذا كان الصوت ده من الموتور ولا لأ.. العربيه لانسر 98 |
رد: مشكله فى ناقل الحركه
اقتباس:
هل أنت متأكد أن الدبرياج سليم؟ كيف تأكدت من ذلك؟ رجاء عمل اختبار صغير - بطل الموتور - انقل أى نقلة - دوس دبرياج لأخر الدواسة (مع تنزيل فرامل اليد) - وحاول تحريك السيارة للأمام أو الخلف بمساعدة أى أحد. اذا تحركت بسهولة فالدبرياج سليم واذا لم تتحرك فهناك مشكلة بالدبرياج. |
رد: مشكله فى ناقل الحركه
الدبرياج سليم ...انا كان معايا واحد قريبى عنده خلفيه كبيره اوووى فى العربيات وقالى الدبرياج سليم ..وعملنا اللى حضرتك قلت عليه والعربيه بتتحرك عادى |
رد: مشكله فى ناقل الحركه
حصل معايا قبل كده في ايبيزا بس الغيار علق عالأول ومعرفتش احرك العصاية وادوس بنزين صوت الموتور يعلا ومفيش حركة فتحت الكبوت لقيت الموتور نايم سنة عالجنب اليمين مش قائم قطرتها للميكانيكي اتضح ان الفتيس قاعدة من قواعده اللي رابطاه مع الموتور اتكسرت لأنها كانت ملحومة قبل كده فاللحام طبعا منفعش فاتقطمت من غير مااخد مطب ولا حاجة فربنا يستر ومتطلعش المشكلة كده ولو كده متلحمش القاعدة غير الفتيس كله استيراد وخلي بتاع الإستيراد ياخد فتيسك ياخد منه قطع الغيار اللي شغاله وتدفع الفرق انا عملت كده والحمدلله الفتيس الإستيراد كان احسن مليون مرة من اللي كان راكب وقاعدته ملحومة وروحت حطيتله زيت عند بتاع الزيت وربنا يوفقك
|
رد: مشكله فى ناقل الحركه
الموضوع شكله كبير ،، ممكن يكون فيه سنة اتكسرت في احد التروس و عملت ضقرة مع ترس ثاني أو ممكن العربية تكون واخدة غيارين سوا ( بتحصل ان غويشة ممكن تعلق و تفضل العربية واخدة غيارين)،،
نصيحتي تسحبها (مقطورة ) الي ميكانيكي و ربنا يستر و يطلع العيب بسيط ptmnlo123per144ptmnlo123p er144ptmnlo123per144ptmnl o123per144ptmnlo123per144 ptmnlo123per144ptmnlo123p er144ptmnlo123per144 |
| الساعة الآن 03:30 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017