مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   سيات SEAT (https://www.masrmotors.com/vb/forumdisplay.php?f=20)
-   -   Seat Cordoba 1996 (https://www.masrmotors.com/vb/showthread.php?t=21407)

Youssouf 03-03-2010 01:06 AM
Seat Cordoba 1996
 
السلام عليكم و رحمة الله و بركاته
أنا عايز أعرف كل مميزات و عيوب سيات قرطبة موديل 1996 و هل قطع غيارها متوفرة و الا لأ ؟
أنا جديد في موضوع العربيات دة و لسة شاري عربية قرطبة 96 و كمان عندي مشكلة في السنتر بتاع تانك البنزين بيعلق و يفتح بعد كذا تجربة لفتحه فهل دة عيب خطير و الا ممكن يتصلح و لو يتصلح أصلحه فين ؟

معلش يا جماعة استحملوني انا خام عربيات

AbOnOrA 03-03-2010 01:22 AM
رد: Seat Cordoba 1996
 
اهلا بيك يا يوسف فى مصر موتورز نورت المنتدى :)
بالنسبة للسيات تسعينيات قطع غياره متوفرة جديد واستيراد واشهر حد بيشتغل فيه محمد سمير اللى ورا حديقة بدر اخر جسر السويس

Youssouf 03-03-2010 01:33 AM
رد: Seat Cordoba 1996
 
اقتباس:
المشاركة الأصلية كتبت بواسطة AboNoRa (المشاركة 142998)
اهلا بيك يا يوسف فى مصر موتورز نورت المنتدى :)
بالنسبة للسيات تسعينيات قطع غياره متوفرة جديد واستيراد واشهر حد بيشتغل فيه محمد سمير اللى ورا حديقة بدر اخر جسر السويس

ألف شكر يا أبو نورا علي سرعة الرد و المنتدي منور بيك يا كبير :)
طمنتني والله كتير علي توفر قطع الغيار انا اصلي كنت قلقان اوي قبل ما اشتريها بس العربية عجبتني فقلت خليها علي الله و توكلت عليه و اشترتها ياريت بقة لو حد يفيدني في موضوع تانك البنزين دة هل أي حد بتاع سنتر يضبطهولي و الا دة تخصص تاني ؟ يعني مثلا ممكن يكون مشكلة بطارية ؟!!!

أنا أول ما باجي افتحه بيعمل زنة بس مش بيفتح و بعد محاولة و اتنين و يمكن اكتر بيفتح فببقي واقف في محطة البنزين مستني الفرج :smileW4:

رياح التغيير 03-03-2010 03:33 AM
رد: Seat Cordoba 1996
 
بص يا يوسف باشا السنتر بتاع الإيبيزا شغال بضغط الهوا والمكنة بتاعت ضغط الهوا تبعه عند الرفرف اليمين الوراني ورا الكنبة علي طول شيل الفرش وهتشفها وهتشوف خراطيم الهوا اللي رايحة للأبواب والشنطة وباب التنك ممكن يكون الخرطوم خارج من المكنة او منفس مخروم خرم صغير كده وساعتها وانت بتفتح العربية خلي حد يقف ناجيه باب التنك عند الكنبة من ورا ويسمع لو في صوت تنفيس وممكن تكون دور الهوا نفسها منفسة من عند باب من الأبواب فبيأثر علي باب التنك لنقص ضغط الهوا ساعتها شوف بس كده لو خرطوم طالع من مكانه من المكنة لو في تنفيس تروح لواحد بتاع ابواب وسنتر وكده يظبط للك الدنيا بس يكون شغال في ايبيزا وقرطبه وكده وانا اعرف واحد صلحلي التنفيس ده قبل كده في عرب جسرالسويس بالتوفيق

Youssouf 04-03-2010 06:56 PM
رد: Seat Cordoba 1996
 
اقتباس:
المشاركة الأصلية كتبت بواسطة رياح التغيير (المشاركة 143050)
بص يا يوسف باشا السنتر بتاع الإيبيزا شغال بضغط الهوا والمكنة بتاعت ضغط الهوا تبعه عند الرفرف اليمين الوراني ورا الكنبة علي طول شيل الفرش وهتشفها وهتشوف خراطيم الهوا اللي رايحة للأبواب والشنطة وباب التنك ممكن يكون الخرطوم خارج من المكنة او منفس مخروم خرم صغير كده وساعتها وانت بتفتح العربية خلي حد يقف ناجيه باب التنك عند الكنبة من ورا ويسمع لو في صوت تنفيس وممكن تكون دور الهوا نفسها منفسة من عند باب من الأبواب فبيأثر علي باب التنك لنقص ضغط الهوا ساعتها شوف بس كده لو خرطوم طالع من مكانه من المكنة لو في تنفيس تروح لواحد بتاع ابواب وسنتر وكده يظبط للك الدنيا بس يكون شغال في ايبيزا وقرطبه وكده وانا اعرف واحد صلحلي التنفيس ده قبل كده في عرب جسرالسويس بالتوفيق
و الله يا باشا انت أستاذ ألف ألف شكر ptmnlo123per154

تم إصلاح العطل و السنتر دلوقتي شغال مية مية .... جزاك الله خيرا


الساعة الآن 12:31 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017