|
سؤال بخصوص الشكمان اللى بيطلع نار
ياجماعه حد يعرف الشكمان اللى بيطلع نار
طيب هوا ايه فكرته او ازاى بيتعمل او ممكن مين يعملوه ممكن حد يؤلى الصوت اللى شبه الصفاره اللى بيطلع فى بعض العربيات المعدله لما تدوس بنزين او تنقل ايه دا |
رد: سؤال بخصوص الشكمان اللى بيطلع نار
اقتباس:
ده كيت بيتباع ولو عايز انا قدامى واحد على 450 ج يابانى مجرم صوت الصفاره ده اسمه تربو ده بيزود التسارع والهورس باور والصوت اللى هو بيعمل تسسسسس ده اسمه BLow of valve فى عربيات دلوقتى اوريجينال بقت بتنزل بيه وفى شباب بتعدل عربياتها وتركبه وفمصر فى ناس كتير عاملاه واشهرهم تامر باشات اللى معاه الايفليوشن البيضا - وفى فولفو لونها نبيتى وجنوطها بيضا ده لو بتنزل اوتوكروس هتبقى عارف الناس دى |
رد: سؤال بخصوص الشكمان اللى بيطلع نار
الجهاز اسمو Back fire بس معرفش بيتعمل فين الي بيطلع النار
انما الصفاره الي تقصد عليها تسسس دي واحد صاحبي عامله شاري بتاعه كدا بتتركب في طرف الشكمان هو شاريها بـ 25 جنيه الاصلي تقريبا بـ 65 |
رد: سؤال بخصوص الشكمان اللى بيطلع نار
شكرا لمرورك وشكرا على المعلومه
|
رد: سؤال بخصوص الشكمان اللى بيطلع نار
اسمحولي أزود على شرحكو كلام بسيط
أولا في انواع من النار بتطلع من ورا في فلام وفيه سبارك الفلام دي بتعتمد جهاز بسيط بيتكون من كتاوت على كنترول ومعاه مبينة بتقوي الفولت اللي رايح لبوجيه بيركب في طرف الشكمان الخلفي الكنترول بيخلي العربية ريتش بنزين فيطلع بخار بنزين مع العادم وبما إن فيه بوجيه بشراره قوية جدا مستنيه فبيولع .شخصيا كنت مركبه لفترة ما وكنت بتخلص بيه من مضايقة الميكروباصات ورايا لانه كان بيطلع لسان نار لمسافة تزيد عن متر ونص بس خلاص فكيته وراميه في البيت وركبت النوع التاني ! أما النوع التاني اسمه الانتي لاج سيستم وده بيكون في العربيات التربو فقط لتقليل حاجة اسمها التربو لاج وده بيطلع طرقعة مع سبارك من الشكمان مع كل نقلة ودايما بيكون في عربيات الرالي وممكن تشوفوه ببحث بسيط على اليوتيوب |
| الساعة الآن 07:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017