المعرض ولاّ التوكيل؟
 

أنا خلاص على وشك الاتفاق على شراء سياره نيسان تيدا هاتشباك

كنت سألت فى التوكيل اللىّ فى شارع سوريا و قالوا ان الموديل الفول أوبشن ب 118 و الفول أوبشن بلاس ب 127.5 و هيبقى فيه خصم أمّا آجى اتفق بشكل نهائى

سألت فى معرض تانى فى المهندسين بردو و العربيه مش عندهم و قلت لهم على الاسعار اللىّ سمعتها من التوكيل عشان احمسهم يدّونى خصم أكبر .. النهارده اتصلوا بيا و قالوا العربيه الفول اوبشن ناقصه بس لقوها و هتبقى ب 117.5 و الفول اوبشن بلاس ب 121.5 !!

هل فيه اى احتمال تكون عربية المعرض دى مضروبه ولاّ فيه حاجه ناقصه فيها ولا طبيعى سعر المعرض يبقى أقل؟ أنا باسأل لأن أول سعر المعرض قاله عن العربيه الفول اوبشن كان 120 الف فقلت له ازاى يبقى سعرك اعلى من سعر التوكيل ب 3 آلاف جنيه !! فقال لى مش جايز التوكيل يكون هيدّيكى عربيه خليجى من غير ضمان !! فقلت له و مين قال لك إنّى هاخدها من غير ضمان و هل يعقل اتشريها من التوكيل من غير ضمان !! بصراحه الجمله اللىّ قالها دى قلقتنى فعلا لا يكون هو عنده خبره فى موضوع العربيات الخليجى دى و يكون العربيه فيها حاجه وحشه ولاّ حاجه .. مش عارفه بصراحه اعمل ايه يا ريت تشوروا عليا عشان خلاص انا على وشك الشراء ان شاء الله

رد: المعرض ولاّ التوكيل؟
 

العضوة المحترمة / فيروز

الفرق بين شراء سيارة من التوكيل أو من معرض بشكل عام يتلخص في النقاط التالية :
1- قد يحدث اثناء نقل السيارة الي المعرض بعض التلفيات لأنها تنقل للمعارض عن طريق سائق ويكون حل المعرض لهذه المشكلة اصلاح العيب و بيع السيارة علي انها بلا عيوب - أما الوكيل فلن يجازف باسمه من أجل سيارة او عميل أو خدش أو حتي أكثر من ذلك لضغوط الشركة الام عليه في ارضاء العميل و خوفا من جهاز حماية المستهلك
2- يتميز المعرض بتوافر بعض الالوان و السيارات و سرعة التسليم و المساعدة في الترخيص أحيانا وقد لا يكون هناك مشاكل بالسيارة فليس كل سيارة تنقل قد تتعرض للخدش
3- قد تتأخر السيارة في التوكيل قليلا قبل استلامها ولكن نضمن سلامة السيارة سلامة اجراءات التسليم فاتورة من وكيل محترم الي جانب الاحترام الغير عادي في التعامل و الاهتمام بالعميل
4- والاهم في حالة حدوث مشكلة في افراج السيارة أو في اي عيب قد يطرأ فأنا انصحك في هذه الحالة بالتعامل مع الوكيل

الرد باختصار
التعامل مع الوكيل أفضل في حالة ما اذا كنت غيري مستعجلة في استلام السيارة و غير متضررة من فرق السعر البسيط
أما اذا كنت مستعجلة في الاستلام فالمعرض قد يتفوق علي بعض التوكيلات و ليس ككل ( بشرط أخذ رفيق لفحص السيارة جيدا اثناء الاستلام ويفضل ان يكون الرفيق ذو خبرة بالسيارات )


اتمني ان أكون افدت سيادتك

محمود جمال
منسق مبيعات سيارات - هيونداي - غبور اوتو
0100289921

رد: المعرض ولاّ التوكيل؟
 

شكرا جزيلا على هذا الرد الوافى و أعتذر لعدم ملاحظتى له من قبل لعدم دخولى المنتدى من فتره طويله ..

كما ذكرت حضرتك معظم المعارض التى سألتها وعدت بالتسليم خلال يوم بينما التوكيل أوضح أن التسليم سيكون خلال أسبوعين وقد تقلّ الفتره عن هذا لكن هذا شئ غير مؤكّد ..