|
حيره بسبب الكريستاله
احلي سلام علي احلي ناس في المنتدي
انا اخوكم صبحي من القاهره وواقع في حيره شديده جدا بسبب اسعار الكريستاله في السوق بجد زهقت من الناس المبالغه في سعرها اوي اوي يعني انا من خلال الحاجات اللي قريتها هنا معاكو لاحظت ان افضل كريستاله تتجاب glx 2000 او 1999 طيب اوكي دورت لقيت اقل حاجه مثلا بنتكلم في 47 والمفروض ان دي حاله تعبانه علي كونتاكت كار وسوق السيارات يوم الجمعه الاسعار دي ولاحظت ان الناس اللي علي كونتاكت اغلبهم هما هما بتوع السوق وطالبين بقي اسعار خرافيه 50 51 كده والله اعلم بحاله العربيه وصراحه بقي انا شفت عربيات من اللي معروضه دي وبصيت فيها وانا مدفعش فيها اكتر من 40 وده بالعين المجرده كده مجرد بصه وانا مبفهمش اصلا في العربيات ما بالك بقي اما تتترفع وناس بقي حاطه اسعار عجيبه 66 و58 ومش قادر افهم يعني علي ايه مهما كان العربيه موديلها من 10 سنين يعني قديمه ازاي طالبين الاسعار دي مهما كانت الحاله انا بجد مش عارف اوصل لكريستاله حلوه بسعر كويس علي فكره انا كلمت همام اللي في صقر قريش امبارح وقاللي ال2000 تعمل في حدود 45 والراجل ده فعلا محترم جدا وتسلم ايد اللي دلني عليه مش عارف ازاي مع اني شايف ال2000 كله مش اقل من 50 وممكن تبقي حالات تعبانه انا بجد مش عارف اعمل ايه انا فعلا ابتديت اكنسل الموضوع وادور علي عربيه تانيه بالفلوس الي معايا انا مقدرش ازود عن 50 وخايف اجيب كريستاله وادفع ال50 وتيجي تحتاج مصاريف مش حقدر اعمل فيها حاجه فعلا وحركنها يبقي حرام ابقي جايب عربيه جديده واركنها تاني حاجه بقي انا خايف من موتور العربيه لانه 1300 وطبعا لو متهان ولا ضعيف ولا ماشي كتير مش حيدي كفاءه للتكييف سؤالي بقي لو ملقيتش كريستاله بالسعر اللي انا عاوزه اجيب ايه انا فكرت اجيب كيا سيفيا 99 او 2000تجميع كوري وحتبقي كويسه وحاله وكبيرها اوي 48 انا بعشق حاجه اسمها كريستاله وبحب شكلها جدا بس ما باليد حيله في الاسعار المبالغ فيها دي ياريت اقتراحتكم كده وفكروا معايا تعملوا ايه لو معاكو 50000 الف اقصي تقدير وده بالعافيه كمان تجيبوا ايه ملحوظه معروض عليا كريستاله 97 ب43 وخايف تكون حالتها بقي تعبانه واعاني من اللي خايف منه واقعد اصرف عليها وبتاع ده غير انها مش كامله ناقصها ازاز كهربا انا رغيت كتير وصدعتكو معايا بس انا فعلا في حيره كبيره ومش عارف اعمل ايه |
رد: حيره بسبب الكريستاله
يباشا اتكل على الله و هات كريستاله و لن تندم باذن الله بس تاكد من الامور الاتيه
اولا العربيه فبريكا دواخل و مش مهم رشه بره ولا لا عشان مش معقول عربيه بقالها 12 سنه و فبريكا كامله الا بقا لو كانت مش بتمشى ثانيا اكشف على كبس الموتور و اتاكد انه مش مرشح زيت و جرب قيادته و شوف بنفسك تسارعه و نعومه النقلات معاك لان العربيه دى بالذات ناعمه جدا ثالثا:ليس هناك ما يمنع من انك تبص عالعفشه كامله و دى هتعرفها عن طريق عفشجى يبصلك عليها او انك سايق و مش سامع اى خبط او رزع فى العربيه و بالمره تبص عالكاوتش و حالته لان الكاوتش لو عايز يتغير هيعدى الالف جنيه رابعا الصالون و حالته يعنى ميكنش متبهدل و الكراسى تعبانه يكون معقول اذا لاقيت الحاجه دى اتكل على الله و اقصى مبلغ تدفعه 48 الف بالحاله الممتازه غير كده لو مصمم عالعربيه يبقى تنزل فى السعر للحد الى يسمح بترويش العربيه بمعنى انك لو هترش بره نزل من 500 الى 1000 ولو هتعمل كسوه للصالون نزل 400 لو كاوتش تنزل 500 لو عفشه مساعد او كوبلن تنزل 400 او 200 للكوبلن باختصار العربيه باقل فلوس بتتشد و قطع غيارها متوافره و رخيصه و عربيه بريستسج و شكل و اداء و تقلقش من 1300 موتور بتاعها كويس جدا عن تجربه و سحبها ممتاز مش هتحس انها 1300 ابدا وحاجه اخيره و ميزه فيها مش عيب انك ممكن تمشيها 80 ايوه بنزين 80 و شغاله معايا و الحمد لله لا يوجد مشاكل منها بس استنضف بنزينه و متغيرش غير فيها وبتعمل معايا الكريستاله و اوتو كمان على بنزين 80 حوالى 200 حوه و بره مجربتش على سريع فى الصفيحه طبعا وصدقنى لن تندم عليها ابدا |
رد: حيره بسبب الكريستاله
باشا لو انت قلقان من الكريستاله اللى هى فعلا اسعارها مبالغ فيها اوى
يعنى حقيقى العربيه حلوه انما مش عارف ليه الناس بتبالغ فى سعرها ممكن تجيب كيا سيفيا عربيه جميله نوبيرا 2001 2002 بس الكورى (نوبيرا 2) نيسان صنى 99 (عربيه حكايه وفى رأى الشخصى هى احسن من الكريستاله) رينو كليو وهتكون موديل حديث يعنى ممكن فى حدود ال50 تجيب واحده 2006 كويسه اعتقد ان دى افضل عربيات فى الفئه السعريه دى(بالاضافه للكريستاله) حضرتك ممكن تقارن بينهم من كل النواحى وربنا يوفقك بأذن الله للخير |
رد: حيره بسبب الكريستاله
نصيحة هات لانوس 2006 او 2007 كاملة فبريقة برة وجوة بالمبلغ دة وادعيلي وسيبك من العربية الي بقالها عشر سنين ماشية وادعيلي
|
رد: حيره بسبب الكريستاله
اقتباس:
وحتتشد بسهوله ولكن اللي مخوفني اني افتقر للخبره في العربيات والفرصه ان الواحد يطمن للعربيه صعبه يعني مش ممكن حد حيرضي ييجي معايا للعفشجي والميكانيكي والبنزينه عشان اشتري منه وفي الحاله دي سهل جدا يضحك عليا واشيل العربيه بقي وساعتها حقعد اصرف عليها طول حياتي بس يعني الكريستاله عربيه بحبها من صغري وفعلا نفسي اشتريها بس خايف ومقلق فعلا ده غير الاسعار اللي فوق قدرتي الماديه وشكرا ليك بجد علي رأيك اقتباس:
النيسان بما انها ياباني طبعا فقريبه من قلبي زي الكريستاله بس ياتري دي كمان بقي اسعارها ايه وقطع غيارها عامله ايه في السوق اقتباس:
رأيي لا واحب اعرف ليه اخترت اللانوس بالذات |
| الساعة الآن 02:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017