مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- برليانس Brilliance (https://www.masrmotors.com/vb/forumdisplay.php?f=130)

- - اسئلة عن ال FRV (https://www.masrmotors.com/vb/showthread.php?t=16994)

اسئلة عن ال FRV

السلام عليكم و رحمة الله و بركاته

معلش انا عايز اشترى عربية و بقارن بين ال FRV & AVEO

فقرات هنا كتير عن البريليانس بس لما بتكلم مع ناس ساعات بيقولولى حاجات تانية

المشكلة انى مليش فى العربيات خالص فعشان كده كنت عايز اخد رايكوا و ربنا ييسرلى الحال

1 - هل ال frv بتحتاج صيانة كتير لان واحد قريبى قالى ان الحاجات فيها بتبوظ بسرعة و كده و هتفتح معايا بعد فترة مش قليلة يعنى و فتحتها مش سهلة يعنى اقصد هل العمر الافتراضى للحاجات بتاعتها قصير ولا ايه

2 - قطع الغيار فيها انا قرات هنا انها متوقرة برة التوكيل بس اسعارها ايه يعنى غالية ولا ايه و كده و هل هى متوفرة ولا لا

3 - برضة سمعت ان هى تعتبر لسه متجربتش يعنى عمرها فى مصر مش طويل فمتعتبرش اتجرب كويس عشان مشاكلها تبان قوى او على الاقل العمر الافتراضى يعنى

4 - التوكيل بتاعها هل منتشر ولا ملوش فروع كتير و هدوخ عليه بقى يعنى مثلا مش زى هيونداى لدرجة ان واحد صاحبى قالى ان انت لو فى الصحراء و كلمت بتوع غبور عشان الهيونداى هتلاقيهم عندك

5 - هل التوكيل بتاعها هو نفس توكيل الاسبرانزا لانى سمعت ان صاحب التوكيل ده يعنى بعد ما اتاخد منه توكيل بى ام و كده اخد ده
انا مش عارف دقة المعلومات دى بس ده اللى سمعته

6 - اختبارات الامان اللى شوفتها لبريليانس اللى هى فى التوبيك ده
http://www.masrmotors.com/vb/showthread.php?t=3088
و سمعت بعد كده ان التصميم بتاعها اتعدل و كده فهل هى فعلا امان ولا ايه

7 - لو حبيت ابيعها بعد فترة هتقل جامد ولا ايه النظام

8 - برضة من الحاجات اللى قراته عنها هنا ان هى كانها مجمعة للحاجات الكويسة فى عربيات كتير كويسة و كده
بس برضة فى الاول و فى الاخر صينى و نازل مصر يعنى الحاجات بتاعتها برضة مش اصلية فهل الكلام ده صحيح و لا ايه و الى اى مدى

معلش ده اللى فى دماغى دلوقتى و برضة انا مش قادر اسال اسئلة قوية لانى ببساطة صفر خبرة فى العربيات

احنا فعلا محتاريين و مش عارفيين نقرر
دى احسن ولا الافيو احسن ولا ايه

حاجة اخيرة برضة سمعتها ان مش معنى ان واحد جربها او عدد قليل يعنى و طلعت كويسة انه تبقى كويسة فعلا يعنى ممكن تبقى مجرد صدفة مش بتمثل واقع فبرضة الى اى مدى الكلام ده صح

و جزاكم الله خيرا

السلام عليكم و رحمة الله و بركاته

رد: اسئلة عن ال FRV

اقتباس:

المشاركة الأصلية كتبت بواسطة kareemman (المشاركة 109197)

ا

1 - هل ال frv بتحتاج صيانة كتير لان واحد قريبى قالى ان الحاجات فيها بتبوظ بسرعة و كده و هتفتح معايا بعد فترة مش قليلة يعنى و فتحتها مش سهلة يعنى اقصد هل العمر الافتراضى للحاجات بتاعتها قصير ولا ايه
حضرتك ممكن تشتري العربيه من التوكيل مباشره و طبعا و حضرتك بتشتريها تفحصها كويس جدا و يستحسن حد يكون مع حضرتك خبير في العربيات و طبعا حضرتك تتابع صيانتها الدوريه في التوكيل و تحافظ عليها كويس جدا
2 - قطع الغيار فيها انا قرات هنا انها متوقرة برة التوكيل بس اسعارها ايه يعنى غالية ولا ايه و كده و هل هى متوفرة ولا لا
قطع الغيار متوفره جوه التوكيل اما بره التوكيل فهي نادره علي حسب ما سمعت و الفرق في التمن مش كبير
3 - برضة سمعت ان هى تعتبر لسه متجربتش يعنى عمرها فى مصر مش طويل فمتعتبرش اتجرب كويس عشان مشاكلها تبان قوى او على الاقل العمر الافتراضى يعنى
العربيه متجرتش اوي في مصر بس محدش من ملاكها اشتكي من حاجات معينه و مفيش منها مشاكل كبيره علي ما سمعت
4 - التوكيل بتاعها هل منتشر ولا ملوش فروع كتير و هدوخ عليه بقى يعنى مثلا مش زى هيونداى لدرجة ان واحد صاحبى قالى ان انت لو فى الصحراء و كلمت بتوع غبور عشان الهيونداى هتلاقيهم عندك
توكيل البفاريه في كل مكان بس مش منتشر زي غبور
5 - هل التوكيل بتاعها هو نفس توكيل الاسبرانزا لانى سمعت ان صاحب التوكيل ده يعنى بعد ما اتاخد منه توكيل بى ام و كده اخد ده
انا مش عارف دقة المعلومات دى بس ده اللى سمعته
ابو الفتوح اللي هو وكيل الاسبيرانزا كان معاه توكيل البي ام زمان بس البفاريه اخدته منه
6 - اختبارات الامان اللى شوفتها لبريليانس اللى هى فى التوبيك ده
و سمعت بعد كده ان التصميم بتاعها اتعدل و كده فهل هى فعلا امان ولا ايه
كل العربيات الحديثه تقريبا صاجها مش قد كده و خصوصا العربيات الكوري يعني متحطش الاختبارات دي في دماغك
7 - لو حبيت ابيعها بعد فترة هتقل جامد ولا ايه النظام
معرفش و الله بس العربيه مطلوبه علي ما اعتقد
8 - برضة من الحاجات اللى قراته عنها هنا ان هى كانها مجمعة للحاجات الكويسة فى عربيات كتير كويسة و كده
بس برضة فى الاول و فى الاخر صينى و نازل مصر يعنى الحاجات بتاعتها برضة مش اصلية فهل الكلام ده صحيح و لا ايه و الى اى مدى
العربيات الصيني دلوقتي اتحسنت عن الاول كتير و بقي يعتمد عليها
حاجة اخيرة برضة سمعتها ان مش معنى ان واحد جربها او عدد قليل يعنى و طلعت كويسة انه تبقى كويسة فعلا يعنى ممكن تبقى مجرد صدفة مش بتمثل واقع فبرضة الى اى مدى الكلام ده صح
طالما مش مستريح للعربيه حتي لو هامر بلاش منها

ردودي في الاقتباس و يا رب يكون ردي افاد حضرتك

رد: اسئلة عن ال FRV

برومادا رد على إستفسارات حضرتك كلها لكن عايز أضيف حاجات بسيطة

لما تشتيرى العربية زيرو بيكون ليها فترة ضمان أعتقد 60 ألف كيلومتر أو تلات سنين
يعنى لو ظهرت أى عيوب فى مكونات العربية الغير مستهلكة هتتغير فى الضمان بدون ما تدفع أى تكاليف

توكيل البفارية (بى إم - بريليانس- مينى كوبر- ماهيندرا) من حيث مستوى الخدمة أفضل من أبو الفتوح (إسبيرانزا) و لكنه أقل إنتشار من أبو الفتوح و أكيد طبعا أقل إنتشار من غبور (هيونداى)

فيه بعض المحلات فى التوفيقية و شارع دمشق حاطة علامة بريليانس أنصحك قبل ما تاخد أى قرار تنزل تعمل جولة هناك و تسأل عن مدى توافر قطع غيار العربية و مستوى الأسعار إيه و الناس هتتعاون معاك متقلقش

بخصوص إختبار التصادم فده فعلا كان فى المراحل الأولى لإنتاج العربية الجالينا لكن بعد كدة تم تعديل هيكل السيارة و تقويته لكن برضه ما وصلش لمستوى السيارات الأوربية و اليابانية و الكورية الحديثة

أما بالنسبة للنقطة رقم 8 ففعلا العربية معتمدة على تكنولوجيا ألمانى لكن متصنعة بالكامل فى الصين بمعنى إيه (المهندسين بتوع بى إم أعطو لبريليانس تصميم نظام التعليق لكن بريليانس صنعة النظام ده فى الصين و هكذا ) يعنى هتلاقى الكهربا من بوش و الفرامل من بورش إ... لخ ، أما بخصوص مش أصلى !!! العربية كلها على بعضها صينى يعنى لما يبقى مكونتها كلها صينى تبقى بالنسبة للعربية أصلى ميه فى المية ...إنما لو فكرت بالطريقة دى إن الصينى مش اصلى يبقى بلائ من العربية كلها أحسن لأنك هتفض حاسس إنك راكب عربية مش أصلى.

رد: اسئلة عن ال FRV

اولا جزاكم الله خيرا على ردودكوا

ثانيا اسمحولى ارد على النقط اللى اتقالت او اللى عايز اناقش فيها

بالنسبة لاستاذ برمادا

1 - انا كنت اقصد انها بتبوظ بسرعة لانها اصلا مش كويسة او مش معمولة باتقان و ده بغض النظر عن الصيانة الدورة يعنى الحاجات اللى فيها هحتاج اغيرها قبل كده

2 - قطع الغيار فى حد ذاتها غالية سواء فى التوكيل او برة بالنسبة للعربيات التانية ولا لا

6 - طب كده عامل الامان بالنسبة لها كويس ولا ايه يعنى مثلا الفيرنا انا اسمع انها بتعمل حوادث كتير و كده و انها مش ثابتة و شوية حاجات كده و ان فى حوادث كتير بتحصل بالفيرنا يعنى فايه نظام الfrv هل هى برضة كعامل امان مش كويسة ولا ايه و ايه موضوع ان فيها قضبان فولاذ ده ؟ هل ده له تاثير على امان اللى جوة العربية و كده ولا لا

بالنسبة للاستاذ حازم انا مقتنع بالعربية و شايف انها كويسة بس انا بحب اخد رايى ناس كتير و خصوصا الخبراء منهم و اعرف ردودهم على الانتقادات اللى بتتقال للعربية

و اخيرا جزاكم الله خيرا على ردودكوا و مساعدتكم

السلام عليكم و رحمة الله و بركاته

رد: اسئلة عن ال FRV

اقتباس:

المشاركة الأصلية كتبت بواسطة kareemman (المشاركة 110992)

اولا جزاكم الله خيرا على ردودكوا

ثانيا اسمحولى ارد على النقط اللى اتقالت او اللى عايز اناقش فيها

بالنسبة لاستاذ برمادا

1 - انا كنت اقصد انها بتبوظ بسرعة لانها اصلا مش كويسة او مش معمولة باتقان و ده بغض النظر عن الصيانة الدورة يعنى الحاجات اللى فيها هحتاج اغيرها قبل كده مش عارف بصراحه

2 - قطع الغيار فى حد ذاتها غالية سواء فى التوكيل او برة بالنسبة للعربيات التانية ولا لا
قطع الغيار جوه التوكيل غاليه طبعا و معرفش اذ كانت موجوده بره التوكيل و لا لأ
6 - طب كده عامل الامان بالنسبة لها كويس ولا ايه يعنى مثلا الفيرنا انا اسمع انها بتعمل حوادث كتير و كده و انها مش ثابتة و شوية حاجات كده و ان فى حوادث كتير بتحصل بالفيرنا يعنى فايه نظام الfrv هل هى برضة كعامل امان مش كويسة ولا ايه و ايه موضوع ان فيها قضبان فولاذ ده ؟ هل ده له تاثير على امان اللى جوة العربية و كده ولا لا

اغلب العربيات الحديثه دلوقتي صاجها ضعيف و كل الحوادث الجامده العربيات بتتدمر فيها و لو هامر