|
حقيبة الاسعاف والمثلث العاكس تفسير
يا جماعه انا لي استفسار صغير انا لما رحت رخصت عربيتي رخصتها عادي جدا ومحدش سألني علي حقيبة الاسعافات او المثلث العاكس وطبعا لم اشتريهم يا تري انا كدا معرضً لسحب الرخص ولا اية؟؟؟؟؟؟؟ ارجو من اهل الخبرة الرد علي وشكرا مقدما |
رد: حقيبة الاسعاف والمثلث العاكس تفسير
انا لحد الأن محدش سألنى عليهم خالص لا فى تجديد ترخيص و لا فى اى كمين
بس خليك فى السليم و خليهم معاك احطياطى, ممكن فى اى كمين ولا حاجه يسألو عليها |
رد: حقيبة الاسعاف والمثلث العاكس تفسير
و الله أنا جددت الرخصه فى أول يوم فى رمضان من مكتب مرور الشيراتون النموزجى !
و كنت شايف الناس بتستلم أمامى شنطة الاسعاف والعاكس من كشك بالمرور ! و لسبب ما تأخر الموظف فى النداء على اسمى فتأخرت للساعه واحده ظهرآ ! و لما ذهبت للكشك المختص بالحاجات دى لقيته قفل و قالوا الكميه خلصت و تعالى بكره ! و من يومها لم أحصل عليهم حتى الآن ! و قابلت مدير المكتب العقيد ( مش فاكر اسمه ) قال لى انهم اتخانقوا مع المصنع أو المورد واذا الحكومه ما شافتش لهم حل يلغوها أحسن ! وحتى الآن همه متخاصمين مع بعض ! ماعرفش بالنسبه للشيراتون فقط أم عمومى ؟؟ Dr. Bolbolan ptmnlo123per111 |
رد: حقيبة الاسعاف والمثلث العاكس تفسير
اقتباس:
|
رد: حقيبة الاسعاف والمثلث العاكس تفسير
مع احترامى ! مافيش حاجه اسمها جمعيه أهليه و بتوزع مثلثات و شنط طوارىء !
أصلا الموضوع ان الحكومه قالت حنوزعهم ببلاش على الناس وهيه بترخص و طبعآ لآن الحدايه الكبيره مابتوزعش كتاكيت ! قامت حدفت المسئوليه على رجال الآعمال ! يعنى رجال الآعمال يدفعوا للحكومه و الحكومه تشترى و توزع ! و بم ان مبروم على مبروم ما يركبشى ! و الحرامى مش ح يضحك على شيوخ المنصر ! اتضح والله أعلم انهم بياكلوا من بعض ! المصنع عايز يعلى سعر المنتجات و اللى بيوزعوا بياكلوها والعه ورجال الآعمال ماينضحكشى عليهم ! و مازال الايصال فى جيبى ! مع الاعتذار لفيلم " ما زالت الرصاصه فى جيبى " ! Dr. Bolbolan ptmnlo123per122 |
| الساعة الآن 08:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017