محتاج نصيحه و تشجيع
 

السلام عليكم
كل سنه وانتم طيبين
دوقتى يا جماعه انا لسه جديد فى السواقه
والحمد لله انا بسوق كويس مش وحش و تقريبا أجتازت مرحله التعليم من فتره و المفروض انى بقالى 5 شهور بسوق بس بمعدل مرتين فى الاسبوع
وبسوق و بخلص للبيت و العيله مشاوير تقيله زى مثلا انا اللى وديتهم المصيف فى الصيف وانا اللى وصلت والدى المطار فى عمره رمضان و انا اللى جبته
بس المشكله انى حاسس ان مستواى واقف عند نقطه معينه فى السواقه و مش بيتقدم
حضراتكم هتقولولى الممارسه و السواقه عايزه ممارسه
بس انا بحس ان العربيه عبئ عليا يعنى لما بكون نازل مع صحابى منغير عربيه بكون مرتاح و مبسوط و دماغى فاضيه
لكن لما بتكون معايا العربيه بكون مقلق و شايل هم الدنيا ptmnlo123per144و ياترى هلاقى ركنه ولا لأ و كده
وبعدين انا انسان مش بتاع مشاكل و دايما بكون حاطط فى دماغى لو حصل احتكاك مع حد مثلا هتصرف ازاى مع انى لحد دلوقتى تقريبا مفيش حذ ادايق منى فى الطريق
وساعات بتلكك عشان منزلش بيها
يعنى مثلا اقنع نفسى ان المشوار اللى انا رايحه انا مش حافظ السكه او مش هلاقى ركنه وانا عارف انها حجج فاشله واللى عايز يسوق بيسوق
و بعدين اللى بيغظنى انى مثلا لما اكون واخد شويه ثقه و نازل اخد العربيه و اروح بيها مشوار من ضمن الحاجات اللى بتنرفزنى ان الناس اللى فى الشارع اصحاب المحلات مثلا اللى عارفينى بيتفرجوا عليا وانا طالع باعربيه عشان هما عارفين انى لسه جديد فى السواقه و ساعتها احيانا برتكب اخطاء تافهه يعنى مثلا اطلع من الركنه على واسع مع انى عمرى ما بقع فى الاخطاء دى بس انا لما حد يبص عليا بيربكنى و الدليل على كده انى بعد مخرج من الشارع بكمل المشوار زى الفل
ملحوظه:انا والدى مش بيسوق هوا جاب العربيه وكان موقفها لما يحتاجها كان بيكلم سواق يسوقله و كان مستنينى اطلع رخصه و اخدها و انا كانت من زمان مستنى اليوم ده انى اخدها لكن مكنتش اتصور انى هوقفها او مش هنزل بيها كتير كده
فهل دى اعراض طبيعيه فى بدايه السوقه و هل حضراتكم عديتوا على المرحله دى
وياريت تنصحونى لانى محتاج النصيحه و التشجيع
أسف للاطاله.

رد: محتاج نصيحه و تشجيع
 

رد: محتاج نصيحه و تشجيع
 

الصراحه أنا أجدد منك في السواقه
بس ممكن يكون اللي عندك احساس بالمسؤوليه حيث ان العربيه بتكون مسؤوليتك انت و انت سايق
أعتقد لو حاولت تسوق أكتر و تتعود الموضوع هيكون بسيط
و استني رأي الخبراء هيفدووك أكتر من كده

رد: محتاج نصيحه و تشجيع
 

رد: محتاج نصيحه و تشجيع
 

شكرا هشام على ردك
و فعلا هوا احساس بالمسؤليه بس مش العربيه بس بحس انها مسؤله منى لا كمان عربيات الناس و
الناس اللى ماشيه فى الشارع كل ده بحس انى مسؤل عنه ولازم احافظ عليه